Halyq jazýshysyna arnalǵan týrnır

Týrnırdi ótkizýge Qazaqstan Res­pýblıkasy Bılıard sporty fe­derasııasy Shyǵys Qazaqstan ob­lys­tyq fılıalynyń dırektory Serik Aqtanov muryndyq boldy. Sporttyq is-sharaǵa jan­kúıerler qyzyǵýshylyq tanytyp, kóptep jınaldy. Eń aldymen, federasııa basshysy Serik Qasymbekuly sóz alyp, Qabdesh aǵa týraly estelik aıtty.

– Budan úsh jyl buryn Zaı­sanda Baımurat batyrǵa es­kertkish ashylǵanda jazýshy aǵamyz erekshe qýanyp, aýdan tur­ǵyndaryn quttyqtaǵan bolatyn. Aldaǵy ýa­qytta týrnırdi respýblıkalyq deńgeıge kóterý oıda bar. Pre­zıdent Qasym-Jomart Toqaev el azamattarynyń bos ýaqyttaryn mándi ótkizip, densaýlyqtarynyń myqty bolýy úshin buqaralyq sport­pen turaqty shuǵyldanýyna nazar aýda­rý qajettigin aıtqany belgili. Bılıard sporty adamdar­dyń tez sheshim qabyldap, mı qa­biletin arttyrýyna yqpal ja­saı­dy. Qa­zirgi kezde bılıard sporty­men óńirde myńǵa jýyq adam shu­ǵyldanady, – dedi federasııa basshysy.

Sóz kezegi Almatydan at ter­letip kelgen Qabdesh aǵanyń ja­qyn dosy, Qazaqstannyń eńbek sińir­gen qaıratkeri, fılosofııa ǵylymdarynyń doktory, professor Ulyqpan Sydyqovqa berildi. Ulyqpan Esilhanuly týrnırdi ót­kizýge muryndyq bolǵan federa­sııa basshysyna, el azamattaryna alǵysyn bildirdi. Aldaǵy ýaqyt­ta mıl­lıondar unatatyn sport tú­ri­niń aýqymy keńeıetinine senim bi­ldirdi.

Týrnır básekeleri on saǵat­qa sozyldy. Ýaqyttyń qalaı ótkenin bilmeı de qaldyq. Ara­synda jınalǵandar Qabań týraly estelikter aıtty. Án shyr­qa­lyp, óleń oqyldy. Al tuń­ǵysh ret ótkizilgen týrnır qo­ry­tyn­dy­synda Janbolat Seıit­qa­zın je­ńimpaz atandy. Oǵan federasııa prezıdenti Serik Qa­symbekuly arnaıy dıplom men Alǵyshat tapsyrdy. Ekinshi orynǵa Rústem Qydyrbaev, eki úshinshi orynǵa Rınat Alımov pen Vladıslav Soı ıe boldy. Olar da dıplommen marapattaldy. Túsiphan Túsipbekov «J­eńiske degen jigeri úshin», al Qaırat Ádilbekov «Ádiskerliktiń joǵary deńgeıi úshin» belgisimen atalyp ótti.

Ońdasyn ELÝBAI,

Qazaqstannyń qurmetti sport qyzmetkeri

О́SKEMEN