Aqorda rezıdensııasynda 5 memlekettiń Tótenshe jáne О́kiletti Elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy Egemen.kz Aqordanyń resmı saıtyna silteme jasap.
Memleket basshysyna Lıvııa Elshisi Aladdın Abdýlsalam Lehýaık, Kýveıt Elshisi Omar Ahmed Muhammed Mýrad Ál-Kandarı, Slovakııa Elshisi Robert Kırnag, Aljır Elshisi Kamal Fenısh jáne Kenııa Elshisi Benson Genrı Oýma Ogýtý senim gramotalaryn tabys etti.
Qasym-Jomart Toqaev dıplomattarmen áńgimelesý kezinde olardy elimizdegi dıplomatııalyq mıssııasynyń resmı bastalýymen quttyqtap, Qazaqstanmen ekijaqty qarym-qatynasty damytýǵa úles qosatynyna senim bildirdi.
Memleket basshysy Qazaqstan dostyq jáne ózara tıimdi qarym-qatynastardy damytýǵa baǵyttalǵan beıbit jáne ashyq syrtqy saıasat júrgizip jatqanyn atap ótti.
Is-shara sońynda Prezıdent túrli baǵyttaǵy birlesken jobalardy júzege asyrýda múmkindikterdiń bar ekenin aıtyp, Elshilerge elimizde ıgi mindetterin oryndaýda Qazaqstan úkimetiniń qoldaý kórsetetinin jetkizdi.