Qurlyq áskerleri Áskerı ınstıtýty men Radıoelektronıka jáne baılanys áskerı-ınjenerlik ınstıtýtynyń kýrsanttary úshin jańa oqý jyly Otanǵa adal bolýǵa ant berýden bastaldy, dep habarlaıdy Egemen.kz.
Saltanatty rásimder barysynda áskerı joǵary oqý oryndarynyń 360-tan astam birinshi kýrs kýrsanty áskerı ant berdi.
28 gvardııalyq-panfılovshylar atyndaǵy saıabaqta 246 kýrsant Otanǵa adal bolýǵa ant berdi. Olardyń 226-sy Saǵadat Nurmaǵambetov atyndaǵy Qurlyq áskerleri Áskerı ınstıtýtynda oqýdan ótedi, al 20-sy sheteldik joǵary oqý oryndaryna oqýǵa jiberiledi.
Radıoelektronıka jáne baılanys áskerı-ınjenerlik ınstıtýtynda 120-dan astam kýrsant áskerı ant berdi.
Birinshi kýrs kýrsanttaryna arnaǵan sózinde Radıoelektronıka jáne baılanys áskerı-ınjenerlik ınstıtýtynyń bastyǵy polkovnık Qaırat Dáýitov áskerı ant árbir áskerı qyzmetshini eń aldymen Qazaqstan halqyna, onyń zańdy saılanǵan Prezıdentine adal bolýǵa, eldiń Konstıtýsııasy men zańdaryn qasterleýge mindetteıtinin atap ótti.
- Naǵyz Otan qorǵaýshylar qataryna kire otyryp, sizder áskerı isti adal zerdeleýge mindet alasyzdar. Bul - Qarýly kúshterdiń jaýyngerlik qabiletin qoldaýdyń negizi. Áskerı ant sizderden qyraǵy bolýdy, áskerı jáne memlekettik qupııany qatań saqtaýdy talap etedi. Sizderdiń árqaısylaryńyz elimizdi qorǵaýda áskerı boryshyn laıyqty ári batyl atqarady dep senemin, - dedi áskerı oqý ornynyń bastyǵy.
Ant bergenge deıin barlyq birinshi kýrs kýrsanttary bir aı boıy jas jaýynger kýrsynan sátti ótip, atys, saptyq jáne dene shynyqtyrý daıarlyǵynyń negizderin meńgerip, jalpyáskerı jarǵylardyń negizgi erejelerin zerdelegenin atap ótken jón.