«Qostanaı-Áýlıekól-Sýrgan» avtojolynyń 8-108 shaqyrymdary aralyǵynda kólik qozǵalysyna ýaqytsha tyıym salyndy, dep habarlaıdy Egemen.kz Indýstrııa jáne ınfraqurylymdyq damý mınıstrligine silteme jasap.
«3 qyrkúıek saǵat 16:15-te Qostanaı oblysynda bolyp jatqan orman órtine baılanysty «Qostanaı-Áýlıekól-Sýrgan» avtojolynyń 8-108 shaqyrymdary aralyǵynda (Tobyl qalasy men Áýlıekól aýyly ýchaskesi) avtokóliktiń barlyq túri úshin qozǵalysqa shekteý engizildi», dep jazylǵan habarlamada.
Sondaı-aq qosymsha habarlamada Qostanaı qalasyna qozǵalys Qoıbaǵar, Qarasý jáne Altynsarın aýyldary arqyly júzege asyrylatyny aıtylǵan.