Qasym-Jomart Toqaev tóraǵalyq etken Senat bıýrosy palatanyń 15 mamyrdaǵy otyrysynyń kún tártibin pysyqtady, dep habarlady Senat baspasóz qyzmeti.
Senat otyrysynda bes máseleni qaraý josparlandy. Depýtattar áýe shabýylyna qarsy qorǵanystyń biryńǵaı óńirlik júıesin qurý týraly Qazaqstan men Reseıdiń kelisimin ratıfıkasııalaý týraly zań jobasyn, «Innovasııalyq tehnologııalar parki» ınnovasııalyq klasteri týraly» zań jobasyn jáne zańnamaǵa ınnovasııalyq klaster máseleleri boıynsha tıisinshe túzetýler engizý týraly zań jobasyn birinshi oqylymda qaraıtyn boldy.
Senatorlar zańnamaǵa qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly zań jobasyn birinshi oqylymda qaraýdy kózdep otyr.