Aıtys ótti Ertis boıyn dúbirletip...

Ashyq aspan astyndaǵy aı­tysqa kerekýlik aqyndar, atap aıtqanda, «Altyn dombyra» ıe­geri Aspanbek Shuǵataev, Beıbit Bójen, Raýan Qaıdar, Altaı Qa­dyrbek, Orazbek Saıahat jáne qy­zylordalyq Muhtar Nııa­zov, aqtóbelik Nartaı Tileý­qul, al­­matylyq Shuǵaıyp Sezim­han, oraldyq Muradym Mır­la­nov, kókshetaýlyq Nurmahan Jaqypbek qatysty. Alaman aıtys bastalmas buryn Ertis-Baıan óńiriniń tanymal aıtyskeri, «Aq­toǵaıdyń qara nary» atan­ǵan Beısenbi Muqajan qaty­sý­shylarǵa batasyn berip, sáttilik tiledi.

Buǵan deıin respýblıkalyq aıtystarǵa qatysyp, júldeli oryndarǵa ıe bolyp júrgen pavlodarlyq Altaı Qadirbek qarsylastarynyń barlyǵy myqty daıyndyqpen kelgendigin atap ótti. Bir-birimizge sózben shabýyl jasap, tarıhy tereń oqıǵalardy qozǵap, qarsylasymyzǵa ádemi ázilmen jaýap berýge tyrystyq deıdi ol.

Al aıtysker aqyn Beıbit Bójen mundaı saıystar oblys­taǵy jas aqyndardyń ushta­lyp, tájirıbe jınaýyna zor múm­kin­dik ekenin jetkizdi. Oblys basshylyǵynyń tól máde­nıe­ti­miz­ge degen kózqarasy durys. Byl­tyr Táýelsizdik kúnine oraı óńir­de úlken alaman ótse, mine, ara­ǵa biraz ýaqyt salyp taǵy bir dúbirli dodanyń kýási boldyq.

«Asyl dombyra» ıegeri, belgili aqyn Rınat Zaıytov, kerekýlik ult janashyrlary, aqyndar Asyl Ábish pen Jarqynbek Amantaı ádil­­qazylar alqasy tarapynan má­denı is-sharanyń joǵary deń­geıde uı­ymdastyrylǵanyn atap ótti.

– Kezinde Pavlodar óńirinde Serik Qusanbaev pen Asyǵat Tur­­­­­­­ǵan­bekten ózge aıtysker aqyn­­­­dar bar ekenin bilmedik. Keıin Aspanbek Shu­ǵataev top ja­­­­­­ryp shyqty. Bú­ginde Raýan Qaı­­dar, Bóken Jiger sııaq­ty jaq­sy ekpinmen kele jat­qan jyr súleıleri bar. Mu­nyń bar­lyǵy Pavlodar óńiriniń ult­­tyq má­de­nıetke den qoıǵa­ny­nyń ná­tıjesi. Aýqymy keń dú­birli do­da­lardyń kóbirek ótýi jas­­tar­dyń arasyn­da ult­tyq má­de­nıetke degen qy­zyǵýshy­lyq­ty oıatady, – dedi Rınat Zaıy­tov.

Aıtys qorytyndysynda Muh­­tar Nııazov jeńimpaz atandy. Júldeli birinshi oryndy As­pan­bek Shuǵataev, ekinshi oryndy Oraldan kelgen Muradym Mırlanov ıelense, úzdik úshtikti taǵy bir jerlesimiz Raýan Qaı­dar túıindedi. Aqyndar bir­aýyz­dan óz júldelerin Qostanaı ob­lysyndaǵy órtten zardap shekken otbasylarǵa aýdarý týraly she­shim qabyldady.

Pavlodar oblysy