Ústimizdegi jyldyń 21 mamyrynda – 2010 jyldyń naýryzynda 46 teńizshiniń qazasyna soqtyrǵan ońtústikkoreıalyq áskerı kemeniń sýǵa batyrylýy týraly baıandama jarııa etilgennen keıin – EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Soltústik-Shyǵys Azııada beıbitshilik pen turaqtylyqty qalypty deńgeıde ustap turý maqsatynda únqatysýdy belsendi ete túsý qajettigi jóninde málimdedi.
“Men osy qaıǵyly oqıǵaǵa baılanysty alańdaýshylyq bildiremin jáne opat bolǵandardyń otbasylaryna, sondaı-aq Ońtústik Koreıa úkimeti men onyń halqyna ózimniń tereń jan kúızelisimdi jetkize otyryp, kóńil aıtamyn. Bul el EQYU-nyń mańyzdy áriptesi bolyp tabylady. Uıymǵa tóraǵa memleket Soltústik-Shyǵys Azııada únqatysýdy damytý men beıbitshilikti qamtamasyz etý boıynsha barlyq kúsh-jigerdi qoldaıdy”, – dedi ol.
26-27 sáýirde Almatyda “Soltústik-Shyǵys Azııadaǵy qaýipsizdik máseleleri jónindegi kópqyrly yntymaqtastyq jáne EQYU tájirbıesiniń qoldanylýy” taqyrybynda halyqaralyq konferensııa bolyp ótti.
Osy aptanyń aldynda EQYU-nyń Seýlde bolyp ótken azııalyq áriptesterimen konferensııada Uıymnyń yntymaqtastyq negizindegi qaýipsizdik pen únqatysý tujyrymdamasyn ilgeri jyljytýdy Azııada qalaısha iske qosýǵa bolady degen másele kóterilgen edi.