Bul týraly Úkimet basshysy ishki naryqty janar-jaǵarmaımen qamtamasyz etý máselesin talqylaý barysynda aıtty, dep habarlaıdy Egemen.kz.
Álıhan Smaıylov janarmaıdyń munaı óńdeý zaýyttarynan óńirlerdegi saqtaý oryndary men janarmaı quıý stansııalaryna deıingi ońtaıly logıstıkasyn qamtamasyz etýdi, egin egý jáne jınaý naýqany kezinde janar-jaǵarmaı tasymaldaý úshin temirjol tarıfterin tómendetý máselesin qaraýdy, sondaı-aq baǵanyń negizsiz ósýine jáne munaı ónimderiniń syrtqa tasymaldanýyna jol bermeý úshin munaı bazalary men usaq janarmaı quıý stansııalaryna baqylaý jasaý jónindegi óńirlik komıssııalar qurýdy tapsyrdy.
Premer-Mınıstr óńirlerdi kómirmen qamtamasyz etý boıynsha jergilikti jerlerde bólshek saýda baǵasynyń negizsiz ósýine jol bermeý máselesin aldyn ala pysyqtaýdy jáne qatty otyndy shalǵaı aýdandarǵa josparly túrde jetkizý boıynsha shuǵyl sharalar qabyldaý keregin aıtty.