ASTANA. 14 mamyr. Memleket esebinen nesıelerdi arzandatýǵa baılanysty 28 agrokásiporynnyń ótinimi maquldandy. Bul týraly primeminister.kz habarlady.
«Qazagromarketıng» aksıonerlik qoǵamy Agroónerkásip kesheni sýbektilerin qarjylaı qoldaý jónindegi komıssııanyń otyrysyn ótkizdi.
Basqosýda komıssııa birqatar qarjy ınstıtýttary usynǵan 31 ótinimdi qarastyrdy. Bulardyń arasynda «QazAgro» holdıngi quramyndaǵy enshiles kompanııalar men ekinshi deńgeıli bankter bar.
Barlyq usynylǵan ótinimder boıynsha agrokásiporyndardyń qaryzy 61,9 mlrd teńgeni qurady. Komıssııa otyrysynyń nátıjesinde 28 ótinim maquldandy. Olardyń ortaq qaryzy 56,7 mlrd. teńgege jetken. Al, «QazAgro» tarapynan bólinetin qarajy 56,1 mlrd. teńgeni quraıtyn kórinedi.
Jıynda belgili bolǵandaı, qaryz alýshylar negizinen Soltústik Qazaqstan, Aqmola, Qostanaı, Aqtóbe, Mańǵystaý oblystarynyń kásiporyndary.
2013 jyly qaryzy 17,7 mlrd. teńgeni quraıtyn 27 ótinim qanaǵattandyrylypty.
Joldybaı Bazar.
Derekkóz: primeminister.kz.
Foto: altaynews.kz.