ASTANA. 14 mamyr. Elordada ýly masalar paıda boldy degen habar jaı ǵana qaýeset bolyp shyqty. Bul týraly «24kz» habarlady.
Astana qalalyq tutynýshylar quqyqtaryn qorǵaý departamenti bólimi basshysynyń mindetin atqarýshy Naǵıma Shataeva ýly masalarǵa qatysty aqparattyń negizsiz ekenin alǵa tartyp otyr. Ol: «Ýly masalar taratýy múmkin degen bezgek aýrýy sýbtropıkalyq sıpatqa ıe. Qazaqstan sýbtropıkalyq aımaqta ornalaspaǵan. Onyń ústine elimizde bezgekpen aýyrǵan adamdar tirkelgen joq. Sol sebepti turǵyndardyń alańdaýy negizsiz», – dedi.
Bıyl qalany dárileý isine bıýdjetten 129 mln. teńge qaralǵan. Dezınfeksııalyq jumystardy «Astana-Zelenstroı» kommýnaldyq kásiporny atqarýda. Aıyna bir márte júrgiziletin zalalsyzdandyrý sharasyna 60-qa jýyq maman qatysýda. Bular Esil jaǵasy men saıabaqtarǵa kóbirek kóńil bólip otyr. Qalany dárileý qyrkúıekke deıin jalǵaspaq.
Atalǵan departmenttiń bas mamany Aıbarsha Dúısenbaıqyzynyń aıtýynsha, qalada ınfeksııa kózi joq. Al dezınfeksııalyq sharalardy júrgizýdegi maqsat – bezgek aýrýlarynyń aldyn alý.
Joldybaı Bazar.
Derekkóz: «24kz».
Foto: elementy.ru.