Fılosofııa, saıasattaný jáne dintaný ınstıtýtynyń Saıası zertteýler ortalyǵynda Memleket basshysynyń «Ádiletti memleket. Birtutas ult. Berekeli qoǵam» Joldaýyn talqylaýǵa baılanysty «Ádiletti Qazaqstannyń» tujyrymdamasy aıasynda» taqyrybynda dóńgelek ústel ótti.
Almaty qalasy ákimdiginiń Qoǵamdyq damý basqarmasy, «Ashyq álem» taldaý jáne boljamdaý ortalyǵy» qoǵamdyq qorymen birlesip ótkizgen jıynda ınstıtýttyń dırektory Serik Seıdýmanov: «Prezıdenttiń el halqyna Joldaýy qazaqstandyqtardyń ómirindegi qarapaıym oqıǵa, bıliktiń halyq aldyndaǵy kezekti esebi emes, elimizdiń saıası reformasyndaǵy mańyzdy oqıǵa» dep atap ótti. Sarapshynyń aıtýynsha, qazirgi kezde elimiz qysyltaıań kezeńde tur. Osy turǵydan qarastyrǵanda, Prezıdent Joldaýy – jańa konstrýktıvti saıası jobalaýǵa jasalǵan naqty qadam. Memleket basshysy elimizdiń áleýmettik-ekonomıkalyq damýynyń ózekti máselelerin ǵana qozǵap qoımaı, Konstıtýsııalyq ózgeristerdiń mazmundy bolýyna baılanysty jańa saıası mindetterdi alǵa qoıyp otyr.
«Prezıdent saıası básekelestikti basqarý pıramıdasyn – prezıdenttik bılikten bastaýǵa sheshim qabyldap, kelesi jyly Parlamenttik saılaýda naqty saıası básekelestikti qalyptastyrýdy, «myqty prezıdent – bedeldi parlament – esep beretin úkimet» qýatty bılik úshtigin qalyptastyrý is júzinde bılikke laıyqty adamdardy tańdaýdyń merıtokratııalyq qaǵıdatyn júzege asyrýdy kózdeıdi. Buǵan deıin jekelegen saıası quzyrettiliktiń álsizdigi men olıgopolııalyǵy, Úkimettiń áleýmettik damýdyń ózekti máselelerin sheshe almaýy týraly shaǵymdar qoǵam tarapynan birneshe ret aıtyldy. Endi Prezıdent bul máseleni Real Politik keńistigine, ıaǵnı quzyretter, ıdeıalar, jobalar jarysynyń praktıkalyq básekelestik alańyna shyǵarýdy usynyp otyr. Saıası modernızasııa prosesi – bul «oıyn erejeleriniń» ózgerýi ǵana emes, sonymen birge saıası keńistiktiń belsendiligi, bıliktiń tıimdi konfıgýrasııasy, halyqtyń joǵary sapaly saıası mádenıetin qalyptastyrý múmkindigi, búkil qoǵamdy el múddesine sáıkes keletin syndarly ózgeristerge yntalandyrý. Bul turǵyda Prezıdent usynǵan saılaý sıkliniń kestesin ózgertý bastamasy elimizdiń saıası ómirdiń jańa sapasyna kóshýiniń jarqyn kezeńi bolatynyna senimdimin. Prezıdent aıtqan áleýmettik-ekonomıkalyq bastamalar halyqtyń talabyn eskerýden týyndap otyr», dedi óz sózinde S.Seıdýmanov.
Dóńgelek ústelde Almaty qalasy ákimdiginiń Qoǵamdyq damý basqarmasy basshysynyń orynbasary Aıbar Temenov Joldaý júktegen mindetter ártúrli deńgeıdegi azamattardyń kemeldenýi men jaýapkershiliginiń, elimizdiń jáne bolashaq urpaqtyń ál-aýqaty úshin jaýapkershiliktiń joǵary deńgeıine baǵyttalǵanyn atap ótti. Ol saraptamalyq otyrys elimizdiń búgini men bolashaǵyna arnalǵan dıskýssııalyq is-sharalardyń bastamasy deı kelip, otandyq ǵalymdar men túrli deńgeıdegi bılik ókilderiniń osy baǵyttaǵy yntymaqtastyǵy bılik pen qoǵam arasyndaǵy ózara is-qımyldyń jańa formaty damıtyndyǵyn jetkizdi. Bul óz kezeginde saıası dıalog mádenıetin sapaly jańartýǵa, elimizdiń damýy jolynda mazmundy baǵdarlamalar men jobalardy ázirleýge yqpal etedi.
«Elimizdiń modernızasııasyna arnalǵan salmaqty reformalar júrgizýge baǵyttalǵan maqsat-mindetteri kórinis tapqan Joldaýda qoǵamdy tolǵandyrǵan áleýmettik, geosaıası jaǵdaıdaǵy máselelerdiń sheshimi aıtyldy. Jańa ekonomıkalyq kýrsta ulttyq tabysty ádil bólý, kásipkerlikti qoldaý, damyǵan eldermen yqpaldastyq, keden isi, jer máselesine qatysty túıtkildi jaıttardy sheshýdiń baǵyt-baǵdary aıqyndalǵan qujattyń júzege asýynda elimiz halqynyń birligi qajet», dedi «Ashyq álem» QQ perzıdenti Oljas Qaptaǵaev.
Jıyn moderatory, Saıası zertteýler ortalyǵynyń dırektory Aıdar Ámrebaev: «Prezıdentiniń dástúrli Joldaýy eldiń damýyna arnalǵan saıası-ekonomıkalyq jáne áleýmettik damý basymdyqtaryn belgileıdi. Búginde jahandyq ózgerister Qazaqstannyń turaqty damýy táýekelder men qaterlerdiń kezeńinde turǵandyǵyn kórsetedi. Jasyryn da, ashyq júrip jatqan syrtqy jáne ishki qaýipterdiń kórinisi jedel qımyl men qoldanystaǵy zań men jalpy adamzattyq qaǵıdalar sheńberinde árekettesýdi qajet etedi. Osyǵan baılanysty Memleket basshysynyń Joldaýy is-qımyldardyń bastapqy jáne uzaq merzimdi baǵdarlama retinde saıası jáne áleýmettik-ekonomıkalyq mańyzǵa ıe», dep atap ótti.
Saraptamalyq dıalog barysynda saıası ǵylymdar doktory Ádil Júsinov, professor Rústem Qadyrjanov, PhD Núrken Aıtymbetov, taǵy da basqa ǵalymdar sheteldik tájirıbeniń ozyq úlgilerinen mysaldar keltirip, Ádiletti Qazaqstandy qurýǵa baılanysty ǵylymı usynystaryn bildirdi. Sarapshylar jalpy saıası prosesti kásibı taldaýdy jalǵastyrý úshin osyndaı formattaǵy barlyq josparly kezdesýler qoljetimdi ári turaqty pikirtalas alańyna aınalýy qajettigin aıtty.
ALMATY