Qostanaılyqtardyń basyna túsken qaıǵy bultyn seıiltpekke búkil el bolyp jumyla kiristi. Igi iske Almaty oblysynyń turǵyndary da barynsha úles qosty.
Almaty oblysynyń eriktileri Qostanaı óńirine 105 tonnadan astam azyq-túlik jiberdi. Iаǵnı el basyna kún týǵanda Almaty oblysy da únsiz qalmady. Alǵashqylardyń biri bop, Áýlıekól aýdanynyń turǵyndaryna qoldan kelgenshe qoldaý kórsetip jatyr. Birneshe kún boıy otandastarymyzǵa Almaty oblysynyń ákimdigi, eriktiler, jastar, kásipkerler men janashyr azamattar syrt qalmaı, azyq-túlikpen qatar qurylys materıaldary men jeke kútim quraldaryn jiberýdi bastady. Búginde Almaty oblysynyń ákimdigi Qostanaı oblysynyń ákimdigimen turaqty baılanysta bolyp, jınalǵan gýmanıtarlyq kómekti attandyrdy. Mundaı qaıyrymdy is jalǵasa bermek.
«Osyndaı qıyn-qystaý sátterde qazaqstandyqtar aýyzbirshiligin kórsetip jatyr. El Prezıdenti Qasym-Jomart Toqaev zardap shekkenderdiń otbasylarymen jeke kezdesip, árbir otbasy Úkimettiń qaraýsyz qalmaıtynyn aıtty. Qostanaı oblysynda zardap shekkenderge kómek kórsetý jónindegi halyq aksııasyn qoldaı otyryp, Almaty oblysy da kómekke óz úlesterin qosýda. Iаǵnı balalarǵa arnalǵan jaıalyqtar – 9 myń dana, qurylys materıaldary – 10 tonna, azyq-túlikten: kúnbaǵys maıy, taýyq eti – 10 tonna, kespe – 3 tonna, pııaz – 7 tonna, kúrish pen alma 5 tonnadan jáne taǵy da basqasy bar. Sonymen qatar birqatar memlekettik qyzmetkerler bir kúndik jalaqylaryn aýdardy. Qazirgi ýaqytta aımaqtan eki GAZel men tórt júk kóligi jolǵa shyqty. Qostanaı oblysyna kómekke 10 erikti ketti», deıdi Almaty Jastar resýrstyq ortalyǵy front keńseniń basshysy Erasyl Tolymbekuly.
Almaty oblysy