Kóktebede ot tutatqan adam ustaldy

Aldaǵy kúnderi órtengen Kók­tóbeniń ósimdikteri álemi men jemis aǵashtary, onyń saıasyn meken­degen tirshilik ıelerine qan­sha­lyqty zııan kelgeni naq­ty anyq­tala jatar. Alaıda Kók­tebedegi órt qasaqana jasaldy degen qańqý sózdiń jeldeı esýine sol kúni qala turǵyny kezdeısoq túsirip alǵan, áleýmettik jeli­lerde taralǵan beı­nekórinis túrtki bolǵan edi.

Anyǵyn baıandar bolsaq, 6 qyrkúıek kúni keshki saǵat 7-ler shamasynda Kóktóbe baýraıyndaǵy Jánibekov kóshesi, 78 mekenjaıy mańynan órt shyǵyp, 9-darda tolyq sóndirilgen. Oqıǵa ornyn­da 19 órt sóndirý tehnıkasy men jeke quramnyń 130 adamy jumyldyrylǵan. Jalyn 3 gektar shamasyndaǵy aýmaqty qamtyǵan. Qaza tapqandar men zardap shekkender joq.

Jetinshi qańtar kúni Almaty polısııasy beınebaıandaǵy kúdik­tini ustady, 1968 jyly týǵan er adam órt qoıǵanyn moıyndaǵan. Ol ishimdik iship alyp, konservi jylytqysy kelgenin, biraq órt butalarǵa tıip, órshı bastaǵan kezde qorqyp, órt shyqqan jerden ketip qalǵanyn moıyndaǵan. Oqıǵanyń mán-jaıyn tekserý jal­ǵasyp jatyr.

Qazirgi tańda Kóktóbe qansha­lyqty zııan shekkeni anyqtalyp, oǵan qosa taý betkeılerindegi qý­raǵan shópter de shabylyp jatyr. Sebebi órt qaýpi áli saqtalyp, sársenbi qalada kún raıy +35 gradýsqa deıin jetti.

Qysqasy, tilsiz jaýdyń kesi­rinen 3 gektarǵa jýyq jer órtendi. Biraq órt sóndirý qyzmeti qyzyl jalynnyń keń taralýyna jol bermeı der kezinde óshirdi. Zardap shekkender joq. Úıler men ózge de ǵımarattarǵa nuqsan kelmegen.

Aıtqandaı, Kóktóbe 2019 jy­ly da órtengen bolatyn. Ol kezde 20 gektar jerge zııan kelgen edi. Jasyl jelekti qalpyna keltirý úshin «Kóktóbe saıabaǵy» JShS eki jyldan beri jańǵaq pen alma aǵashtaryn otyrǵyzyp keledi. Alaıda keshegi órt jas aǵashtardyń birazyn sharpyp ótken. «Kóktóbe saıabaǵy» JShS ókili Farhad Ýálıev: «2021 jy­ly kúzdiń kúni jańǵaq túpten 1500 túp otyrǵyzyldy. Onyń ústine qalalyq ákimdik kómektesip turady. 2020 jyly sıvers alma­synyń 5 myń túp kóshetin otyr­ǵyzdyq. Osylaı órttiń aldyn alý jumystary júrgizilip turady», deıdi.

ALMATY