«Barselonanyń» shabýylshysy Robert Levandovskı úsh túrli komandamen chempıondar lıgasynda het-trık jasaǵan alǵashqy oıynshy atandy, dep habarlaıdy Egemen.kz.
Polıak shabýylshysy atalǵan rekordty Chempıondar lıgasynyń 1-shi týrynda «Vıktorııa Plzen» komandasymen bolǵan kezdesýde (5:1) ornatty. Ol matchtyń 34, 48 jáne 67-mınýttarynda gol soǵyp, kózge tústi.
Buǵan deıin Levandovskı «Borýssııa Dortmýnd» sapynda (bir ret) jáne «Bavarııa» jeıdesinde (tórt ret) het-trık jasaǵan edi. «Barselona» sapyndaǵy alǵashqy het-trıgin kári qurlyqtyń basty dodasynda tirkedi.
Sondaı-aq R. Levandovskı chempıondar lıgasy tarıhyndaǵy úzdik surmergender tiziminde úshinshi orynǵa kóterildi. 89 gol soqqan Robert «Realdyń» shabýylshysy Karım Benzemany (86) basyp ozdy.
Bul tizimdegi ekinshi orynda PSJ shabýylshysy Lıonel Messı (125 gol) tur. Al rekord «Manchester Iýnaıtedtiń» shabýylshysy Krıshtıaný Ronaldý (140 gol) enshisinde.
Ǵylymnur KÁDIRBAI