KASE Qazaqstan qor bırjasy 15:30-daǵy jaǵdaı boıynsha dollardyń ortasha baǵamy 3,88 teńgege tómendep, 473,35 teńgeni quraǵanyn habarlady, dep jazady Egemen.kz.
Reseı rýbliniń ortasha baǵamy azdap tómendep, 7,80 teńgeni qurady.
Qytaı ıýaniniń ortasha baǵamy kerisinshe kóterilip, 68,29 teńgeni qurady.
Eýro boıynsha saýda júrgizilgen joq. Ulttyq bank eýro baǵamyn 477,27 teńgege belgilegen.
Aıyrbas pýnktterinde amerıkalyq dollardy 473-477 teńgeden, eýrony - 475-481 teńgeden satyp alady/satady. Rýbl - 7,3-7,65 teńge.
Sonymen qatar 9 qyrkúıektegi saýda-sattyq barysynda munaıdyń álemdik baǵasy ósýde.
Máselen, Londondaǵy ICE Futures bırjasynda Brent munaıyna arnalǵan qarasha fıýchersteriniń quny 0,75%-ǵa ósip, barreline $89,82 qurady.
NYMEX Nıý-Iork taýar bırjasynyń elektrondyq saýda-sattyǵynda qazan aıynda WTI munaıynyń fıýchersteriniń baǵasy 0,54%-ǵa qymbattap, bir barreli $83,99 boldy.