Qazaqstannyń soltústik oblystarynda kúndiz qatty jańbyr jaýady, naızaǵaı oınap, burshaq túsýi múmkin, dep habarlaıdy Egemen.kz.
«Qazgıdromet» RMK málimetinshe, tek respýblıkanyń batysynda antısıklonnyń ekpini bar, jaýyn-shashynsyz aýa raıy saqtalady.
Qyzylorda, Túrkistan, Jetisý oblystarynyń basym bóliginde, Abaı oblysynyń ońtústiginde, shyǵysynda, soltústiginde, Shyǵys Qazaqstan oblysynyń soltústik-shyǵysynda, Atyraý oblysynyń ońtústiginde, batysynda tótenshe órt qaýpi saqtalady.
Qostanaı oblysynyń ońtústiginde joǵary órt qaýpi jalǵasady. Túnde Batys Qazaqstan, Atyraý, Aqtóbe oblystarynyń soltústiginde topyraq betinde 1-2 gradýs úsik júredi.