Senatta Aýǵanstan Ulttyq Assambleıasy Volesı Jırga apparatynyń ókilderimen kezdesý boldy. Meımandar bizdiń elimizge tanysý saparymen kelgen bolatyn, dep habarlady osy palatanyń baspasóz qyzmeti.
Eki eldiń zań shyǵarý organdary apparattarynyń arasynda keńesýler bolyp, tájirıbe almasyldy. Qazaqstan Parlamenti Senaty apparatynyń qyzmetkerleri elimizdegi zań shyǵarý úderisteri, memlekettik basqarý júıesindegi Senattyń róli, joǵarǵy palatanyń qyzmetin qamtamasyz etý jónindegi jumystar týraly áńgimeledi. Aýǵan delegasııasy, sondaı-aq, Apparattyń qurylymdyq bólimderiniń jumystary, parlamentaralyq baılanystardy damytý jáne buqaralyq aqparat quraldarymen ózara is-qımyl týraly da habardar etildi.