11 qyrkúıek kúni keshki ýaqytta Atyraýdaǵy Balaýsa shaǵynaýdanynda jedel járdem kóligi men jol talǵamaıtyn kólik soqtyǵysyp qaldy, dep habarlaıdy Egemen.kz.
Saldarynan úsh adam aýrýhanaǵa jetkizilgen.
Atyraý oblystyq Polısııa departamentiniń málimetinshe, jedel járdem kóligi qosalqy joldan shyqqanda, negizgi jolmen kele jatqan Toyota Land Cruiser kóligimen soqtyǵysqan. Soqqydan jedel járdem kóligi úıdiń qorshaýyna soǵylǵan.
«Jedel járdem kóligi jeke turǵyn úıdiń qorshaýyna soǵylǵan. Saldarynan jedel járdem kóliginiń eki jolaýshysy jáne Toyota júrgizýshisi jaraqat alyp, aýrýhanaǵa jetkizildi», delingen habarlamada.