Biryńǵaı QR-kod júıesi

«Siz kimniń klıentisiz degen má­se­le mańyzdy emes. QR bar – kez kelgen bank bir-birin oqı alýǵa tıis. Ondaı jaǵdaıda on shaq­ty POS-termınal ustap, ár termınaldy jeke-jeke paıdalanyp jatýdyń qajeti bolmaı qa­la­dy. Bıznestiń qolynda bir ǵana termınal bolady jáne bul búkil bankpen jumys isteıtin bolady. Biz osyǵan talpynýy­­myz kerek. Bıyl barlyq bank óz júıesin jetil­diredi jáne árbir azamatta kez kelgen QR termınaly arqy­ly tó­lemderdi qabyldaý, tóleý múm­kindigi bolady dep sene­min», dedi halyqaralyq forýmda Á.Janasova.

Statıstıka boıynsha osydan úsh jyl buryn, ıaǵnı, 2019 jyly bólshek saýdadaǵy onlaın-saýda úlesi 3,7 paıyz bolsa, qazir ol 9,6 paıyzǵa jetken. Bul rette taýar men qyzmet aqysyn QR-kod arqyly tóleý tanymal trendke aınalyp jatyr.

«QR kómegimen tólem jasaý­da Kaspi Bank sózsiz jetekshi bolyp tur. Alaıda memleket bul salany óz qolyna alyp, bir júıege keltirýge bel býǵan kó­ri­nedi. Satyp alýshylar tur­ǵy­synan qaraǵanda bul júıe yńǵaıly. О́ıtkeni kez kelgen bank qosymshasynyń kómegimen tóleý múmkindigi týady. Biraq bank­terdiń ózi úshin bul asa qo­laıly emes. Olar ortaq júıe­ni paıdalanǵany úshin paıyz tóleıtin bolady. Al óz júıe­le­rinde tegin jumys isteýshi edi. Kaspi mınýsta qaldy. Ol osy teh­nologııany oılap taýyp, engizdi. Endi bul júıe bári úshin ortaq etilmek. Iаǵnı halyqqa kómek­tesemiz degen jeleýmen Úkimet taǵy da aqsha tabýdyń jo­lyn qarastyrmaq», dep jazady telegramdaǵy marketanatomy kanaly.

Buǵan deıin Ulttyq bank ár­túrli bankterdiń klıentteri ara­synda jedel aýdarymdar men tólemder úshin jedel tólem júıe­siniń jańartylǵan platfor­ma­syn engizetinin ha­barlaǵan edi. Atal­ǵan jú­ıe búkil banktiń klıent­­teri úshin qoljetimdi bolady. Túrli bank­terdiń klıent­teri ara­syn­daǵy aýdarymdardy uıaly telefon nómiri arqyly, al tólemderdi QR kod arqyly júzege asyrýǵa bolady.