Baǵdarlamanyń biregeı múmkindigi

Sıfrlyq damý mınıstr­li­giniń habarlaýynsha, 1 qyr­kúıekte qa­zaq­standyq maman­dar­dy daıar­laý úshin jeke men­shik IT-mek­tep­terden 3 myń vaýcher alý úshin ótinimderdi qa­byldaý bas­taldy. Bul Sıfr­lyq damý, ın­no­vasııalar jáne aeroǵarysh ónerkásibi mınıs­trligi men Astana Hub IT-star­tap­tar halyqaralyq tehno­par­ki iske qosqan Tech Orda IT-mamandyqtaryn oqytýdy qar­­jy­landyrý baǵdarlamasy sheń­berinde múmkin bolady.

«Tech Orda baǵdarlamasy Úki­­mettiń aldyna 2025 jylǵa de­ıin keminde 100 myń bilikti IT kadr daıyndaý mindeti qo­ıyl­ǵan Prezıdenttiń 2021 jylǵy Jo­l­daýyn oryndaý sheń­be­rinde iske asyrylýda. Tech Orda baǵ­dar­lamasy alǵashqy le­giniń qo­ry­tyndysy boıynsha 2021 jyly 13 jeke IT-mektep qar­jy­lan­dy­rylyp, 100 stýdent oqý­dan ótti. Ár stýdentke qar­jy­lan­dyrý somasy 600 myń teń­ge­ni qurady», delingen vedomstvo habarlamasynda.

Bıyl IT-mamandyqtardy oqy­­tý úshin osyndaı somany 3 myń qazaq­standyq ala alady. 2025 jylǵa deıin Tech Orda baǵ­dar­lamasy boıynsha IT-mek­tep­terde 20 myń stýdentti oqytý josparlanýda.

«Tech Orda baǵdarlamasy ar­qy­ly qazaqstandyqtardyń jeke baǵdarlamalaý mektep­te­rin­de sapaly tegin IT bilim alýǵa bire­geı múmkindigi bar. Bizge IT ta­lant­­­tardy damytyp, qazaq­stan­­dyq ınnovasııalar sektoryn kú­sheıtý qajet. Elimizge krea­tıvti, yntaly mamandar qajet. Baǵdarlamany iske asyrý bola­shaq­ta sapaly jobalar túrinde mýltıplıkatıvti áser etedi», deıdi Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın.

Baǵdarlamaǵa qatysý úshin IT-mektepter aqparattyq-kom­mý­nıkasııalyq tehnologııalar sala­syn­daǵy basym qyzmet túrleri tizbesiniń 17-tar­ma­ǵyna sáıkes Astana Hub qa­tysýshysy bolýy kerek. Atal­ǵan mártebe IT-mek­tep­ke sa­lyqtan bosatýdy jáne basqa da birqatar artyq­shy­lyq­ty usy­nady.

Mektepter men kýrstardy ak­kredıtteý prosesin táýelsiz komıs­sııa atqarady. 18-45 jas ara­ly­ǵyndaǵy azamattar 6 aı boıy kýrsqa qatysyp, óz bilim­de­rin jetildiredi.