Jýyrda elordalyq kórermen áýezdi áýen tyńdap, kúndelikti qońyr tirshilikten sergip bir demaldy dersiz. Bul mádenı demalysty Erkeǵalı Rahmadıev atyndaǵy Memlekettik akademııalyq fılarmonııanyń sımfonııalyq orkestri usynǵan Sympho vibe konserti syılady.
Sympho vibe sazdy keshi atalǵan ujymnyń konserttik maýsymynyń erekshe ashylýy boldy. О́ıtkeni baǵdarlamada klassıka men djaz, akademızm men jalyndy bı yrǵaqtarynyń toǵysynda týǵan jaýharlar, ıaǵnı Djordj Gershvınniń «Blıýz stılindegi rapsodııa» jáne «Parıjdegi amerıkalyq», Leonardo Bernstaınniń jáne Elmera Bernstaınnyń «Vestsaıd tarıhy» mıýzıklindegi «Mambo» jáne «The Magnificent Seven», Artýro Markestiń № 2 Dansony, orkestrmen valtornaǵa arnalǵan Vıllanella (valtorna – K.Dúısembaev) jáne Qýat Shildebaevtyń «Karakemer» shyǵarmalary bar.
Konserttiń kóptegen shyǵarmasy tanymal fılmderden-aq belgili. Jandy, áserli jáne túrli áýender mádenı keshti ǵajaıyp kúıge bóledi. Leonardo Bernstaınnyń «Vestsaıd tarıhy» shyǵarmasynyń ózi bir tarıh. Aıta keteıik, mıýzıkl ekranǵa shyqqannan keıin 11 nomınasııa boıynsha on Oskardy jeńip aldy.
«Blıýz stılindegi rapsodııa» da – Djordj Gershvınniń tanymal týyndylarynyń biri. Ǵasyr buryn oryndalǵan Rapsodııa birden aıtýly jetistikke jetip, kompozıtordyń shoq juldyzyna aınaldy. Synshylar Gershvınniń klassıkalyq mýzyka men djaz qaǵıdattaryn biriktirýdegi daryndylyǵyn erekshe aıtady. Osy ýaqyttan bastap «Rapsodııa v stıle blıýz» shyǵarmasyn akademııalyq jáne djaz ujymdary oryndaıdy.
Al Artýro Markestiń № 2 Dansony «Proms-2007» festıvalinde ǵajap áser týǵyzǵan edi. Keıin osy kompozısııaǵa qysqametrajdy kórkem fılm túsirilip, ol da kınosúıer qaýymdy tánti etti. Meksıkalyq kompozıtordyń shyǵarmasy Latyn Amerıkasynda hám búkil álemge tanylyp, tipti avtordyń qurmetine Halyqaralyq mýzyka festıvali ashyldy.
Aıta keteıik, tyńdarmanǵa osyndaı juldyzdy shyǵarmalardy usynǵan keshtiń kórkemdik jetekshisi – Berik Batyrhan, bas dırıjeri – Ernar Nurtazın.