Otyndy ishki naryqta satý kólemi bir jylda birden 19%-ǵa ósti, dep habarlaıdy Egemen.kz Energyprom.kz saıtyna silteme jasap.
Sarapshylardyń aıtýynsha, 2022 jylǵy qańtar-shilde aılarynda dızel otynyn óndirý kólemi 3,1 mln tonnany qurady. Bul barlyq ýaqyttaǵy tıisti kezeńniń eń joǵary kórsetkishi bolyp eseptelinedi. О́tken jyldyń uqsas kezeńimen salystyrǵanda dızel otynyn óndirý 9,2%-ǵa ósti.
Energetıka mınıstri Bolat Aqsholaqovtyń aıtýynsha, osy jylǵa dızel otynyn óndirý boljamy 5,2 mln tonnany quraıdy, bul 2021 jylmen salystyrǵanda 300 myń tonnaǵa artyq jáne 2020 jylmen salystyrǵanda 600 myń tonnaǵa artyq bolady degen sóz.
2022 jyl boıynsha dızel otynyn tutyný boljamy shamamen 5,5 mln tonnany qurady, bul 2020 jylmen salystyrǵanda 500 myń tonnaǵa jáne ótken jylmen salystyrǵanda 90 myń tonnaǵa artyq.
Tamyz aıynda egin jınaý naýqany bastalar aldynda Qazaqstan dızel otynynyń tapshylyǵyna tap boldy. Elimizdiń barlyq óńirlerin dızel otynymen úzdiksiz qamtamasyz etý máselesin sheshý úshin arnaıy komıssııa quryldy, ol jaǵdaıǵa teris áser etken faktorlardy anyqtady. Negizgi sebepterdiń biri tutynýdyń, sondaı-aq tranzıttik kóliktiń aıtarlyqtaı ósýi dep ataldy.
Eske sala ketsek, ýaqytyly sharalar qabyldamaǵany úshin «Qazmunaıgaz» UK AQ Basqarma Tóraǵasy Maǵzum Myrzaǵalıev pen Energetıka vıse-mınıstri Áset Maǵaýovqa qatań sógis jarııalandy.
«2022 jyldyń tamyz aıynyń qorytyndysy boıynsha dızel otynynyń quny bir aıda ortasha eseppen 0,7%-ǵa ósti. Batys Qazaqstan jáne Aqtóbe oblystarynda dızel otyny qymbattady: tıisinshe 3,5% jáne 3,4%. Shyǵys Qazaqstan oblysynda baǵa 2,9%-ǵa qymbattady. 2021 jyldyń tamyzymen salystyrǵanda bir jyl ishinde dızel otyny 35,5%-ǵa qymbattady. О́ńirler boıynsha baǵanyń ósýi Almaty oblysynda 15,4%-dan Aqmola oblysynda 58,4%-ǵa deıin ózgeredi. Tamyz aıynyń qorytyndysy boıynsha elimizde jazǵy dızel otynynyń bir lıtriniń ortasha bólshek saýda baǵasy 238 teńgeni qurady. Eń joǵary baǵalar Qostanaı men Petropavlda (bir lıtri úshin 260 tg), eń tómen baǵa - Aqtaýda (bir lıtri úshin 225 tg) tirkeldi», delingen zertteýde.