2014 jylǵy 26 naýryz, Astana, Úkimet Úıi
Bilim berý salasynda arnaýly áleýmettik qyzmetter kórsetý standartyn bekitý týraly
«Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasynyń Zańy 7-babynyń 5) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan bilim berý salasynda arnaýly áleýmettik qyzmetter kórsetý standarty bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2014 jylǵy 26 naýryzdaǵy №262 qaýlysymen bekitilgen
Bilim berý salasynda arnaýly áleýmettik qyzmetter kórsetý standarty
1. Jalpy erejeler
1. Bilim berý salasynda arnaýly áleýmettik qyzmetter kórsetý standarty (budan ári – Standart) «Arnaýly áleýmettik qyzmetter týraly» 2008 jylǵy 29 jeltoqsandaǵy Qazaqstan Respýblıkasynyń Zańyna sáıkes ázirlendi.
2. Osy Standart bilim berý uıymdarynda (budan ári – uıymdar):
1) jetim balaǵa (jetim balalarǵa) – ata-anasynyń ekeýi de nemese jalǵyz ata-anasy qaıtys bolǵan balaǵa (balalarǵa);
2) ata-analarynyń (ata-anasynyń) qamqorlyǵynsyz qalǵan balaǵa (balalarǵa) – ata-ana quqyqtarynyń shektelýine nemese olardan aıyrylýyna, habarsyz ketken dep tanylýyna, qaıtys bolǵan dep jarııalanýyna, áreketke qabiletsiz nemese áreket qabileti shektelgen dep tanylýyna, bas bostandyǵynan aıyrý oryndarynda jazasyn óteýine, bala tárbıeleýden nemese onyń quqyqtary men múddelerin qorǵaýdan jaltarýyna, onyń ishinde balany tárbıeleý nemese medısınalyq uıymnan alýdan bas tartýyna baılanysty, sondaı-aq ata-ana qamqorshylyǵy bolmaǵan jáne Qazaqstan Respýblıkasynyń zańdarynda kózdelgen óz quqyqtary men múddeleriniń qajetti qorǵalýyn qamtamasyz etýge muqtaj bolǵan ózge de jaǵdaılarda jalǵyz ata-anasynyń nemese ekeýiniń de qamqorlyǵynan aıyrylǵan balaǵa (balalarǵa);
3) qadaǵalaýsyz qalǵan balaǵa (balalarǵa) – ata-anasynyń nemese olardyń zańdy ókilderiniń, sondaı-aq pedagogtardyń, tárbıeshilerdiń jáne kámeletke tolmaǵandardy qadaǵalaýdy júzege asyrýǵa mindetti oqytý, tárbıeleý jáne ózge de mekemeleri qyzmetkerleriniń tarapynan ony tárbıeleý, oqytý jáne (nemese) baǵyp-kútý jónindegi mindetterdi oryndamaýy nemese tıisinshe oryndamaýy saldarynan, ne onyń úıden nemese bala quqyǵyn qorǵaý jónindegi fýnksııalardy júzege asyratyn uıymdardan óz erkimen ketýi saldarynan minez-qulqyna baqylaý bolmaǵan kámeletke tolmaǵan balaǵa (balalarǵa);
4) dene jáne (nemese) aqyl-oı múmkindikterine baılanysty organızm fýnksııalary turaqty buzylǵan balaǵa (balalarǵa) (múmkindikteri shekteýli balaǵa (balalarǵa);
5) áleýmettik beıimsizdikke jáne áleýmettik deprıvasııaǵa ákep soqtyrǵan qatygezdik qurbany bolǵan balaǵa (balalarǵa);
6) bas bostandyǵynan aıyrý oryndarynan bosap shyqqan balaǵa (balalarǵa);
7) qylmystyq-atqarý ınspeksııasynyń probasııa qyzmetiniń esebinde turǵan balaǵa (balalarǵa) arnaýly áleýmettik qyzmetterdi kórsetý kólemi men sharttaryn belgileıdi.
Joǵaryda atalǵan sanattar birlesip kórsetiletin qyzmetti alýshylar dep atalady.
3. Arnaýly áleýmettik qyzmetterdi usynatyn sýbektilerge:
1) turatyn ornyn usyna otyryp, azamattardyń belgili bir sanattarynyń bilim alýǵa, tárbıelenýge quqyqtarynyń memlekettik kepildikterin qamtamasyz etetin bilim berý uıymdary:
jetim balalar men ata-anasynyń qamqorlyǵynsyz qalǵan balalarǵa arnalǵan ınternattyq mekemeler;
devıantty minez-qulyqty balalarǵa arnalǵan ınternattyq mekemeler;
múmkindikteri shekteýli balalarǵa arnalǵan stasıonarlar;
ártúrli beıindegi balalardyń saýyqtyrý ortalyqtary;
2) azamattardyń belgili bir sanattarynyń bilim alýǵa, tárbıelenýge quqyqtarynyń memlekettik kepildikterin qamtamasyz etetin kúndiz bolatyn uıymdar:
ońaltý ortalyqtary;
psıhologııalyq-pedagogıkalyq túzeý kabınetteri, psıhologııalyq-medısınalyq-pedagogıkalyq konsýltasııalar;
mektepke deıingi jáne mekteptik arnaýly uıymdar; jalpy damytý jáne túzetý sıpatyndaǵy fýnksııalardy qatar atqaratyn mektepke deıingi jáne mekteptik aralas uıymdar;
múmkindigi shekteýli jáne qalypty damyp kele jatqan balalardy birge tárbıeleýge arnalǵan mektepke deıingi jáne mekteptik ınklıýzıvtik uıymdar;
kúndiz bolatyn qyzmetter/bólimder (kúndiz qyzmet kórsetetin ortalyqtar, ońaltý ortalyqtary, otbasy men balany qoldaý, erte aralasý qyzmetteri, daǵdarys ortalyqtary).
3) qabyldaýshy otbasylar: patronattyq otbasy, qamqorshylar men qorǵanshylar jatady.
Arnaýly áleýmettik qyzmetter usynatyn sýbektilerdiń atalǵan tizbesi tolyq bolyp tabylmaıdy.
4. Arnaýly áleýmettik qyzmetter kórsetýmen baılanysty shyǵyndar respýblıkalyq mańyzy bar qalanyń, astananyń, oblystyń jáne aýdannyń, (oblystyq mańyzy bar qalanyń) bıýdjettik qarajaty esebinen jáne Qazaqstan Respýblıkasynyń zańnamasyna qaıshy kelmeıtin ózge de kózder esebinen óteledi.
2. Arnaýly áleýmettik qyzmetter usynatyn uıymdarǵa qabyldaý,
aýdarý men odan shyǵarý tártibi
5. Kórsetiletin qyzmetti alýshylardy uıymǵa qabyldaý búkil kúntizbelik jyl boıy júzege asyrylady.
6. Jergilikti atqarýshy organdardyń arnaýly áleýmettik qyzmetterdi usynatyn uıymdarǵa jiberý týraly sheshimi mynadaı qujattardy qosa bere otyryp, uıymǵa belgileý úshin negiz bolyp tabylady:
1) týý týraly kýálik (jeke kýálik);
2) densaýlyq jaǵdaıy men ekpeleri týraly medısınalyq qujattar;
3) bilim týraly qujattar (mektep jasyndaǵy balalar úshin);
4) balanyń ómir súrý jaǵdaıyn tekserý aktisi;
5) ata-anasy týraly málimetter (ata-anasynyń qaıtys bolǵany týraly kýálikterdiń kóshirmeleri, sottyń sheshimi (ata-analardy ata-ana quqyqtarynan aıyrý nemese shekteý, ata-analardy habar-osharsyz ketken dep taný, qaıtys bolǵan dep jarııalaý nemese áreketke qabiletsiz (áreket qabileti shektelýi) dep taný), ata-anasynyń aýrýy týraly anyqtama, ata-analardy izdestirý týraly anyqtama jáne ata-anasynyń joqtyǵyn nemese olardyń óz balalaryn tárbıeleýge múmkindigi joqtyǵyn rastaıtyn basqa da qujattar) qamtylǵan qujattar;
6) aǵa-inileriniń, apa-sińlileriniń (qaryndastarynyń) jáne basqa da jaqyn týystarynyń bar bolýy jáne olardyń turatyn jeri týraly anyqtama;
7) ata-anasy qaıtys bolǵannan keıin qalǵan múlikterdiń tizimdemesi, onyń saqtalýyna jaýapty adamdar týraly málimetter;
8) kámeletke tolmaǵandarǵa turǵyn úı alańyn bekitý týraly qujattar;
9) áleýmettik járdemaqy alatyn balanyń atyna derbes shottyń ashylýy týraly sharttyń kóshirmesi, alıment óndirip alý týraly sot sheshiminiń kóshirmesi (balaǵa olardy ata-anasynyń biri nemese ony almastyratyn adam alatyn kezde).
7.iBir uıymnan ekinshi uıymǵa aýystyrylǵan nemese uıymnan shyǵarylǵan kezde kórsetiletin qyzmetti alýshyǵa myna qujattar beriledi:
1) týý týraly kýálik (jeke kýálik);
2) uıymda bolǵandyǵy týraly anyqtama;
3) densaýlyq jaǵdaıy men ekpeleri týraly medısınalyq qujattar;
4) bilim týraly qujattar;
5) ata-anasy, týystary týraly málimetter bar qujattar;
6) onyń ózi nemese ata-anasy buryn ıelik etken múlikke, aqshalaı qarajatqa, turǵyn úı alańyna quqyǵyn aıǵaqtaıtyn qujattar, jeke esep shotyn ashý týraly shart, alıment óndirý týraly oryndaý paraǵy jáne jeke isinde bolǵan kezde basqa da qujattar.
3. Arnaýly áleýmettik qyzmetterdi usynýdyń kólemi men sharttary
8. Kórsetiletin qyzmetti alýshylardyń turmystaǵy tynys-tirshiligin qoldaýǵa baǵyttalǵan áleýmettik-turmystyq qyzmetter:
turatyn jáne/nemese kúndizgi bolý oryndaryn usyna otyryp, belgili sanattaǵy azamattarǵa bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdarda:
1) «Balalar men jasóspirimderdi tárbıeleý men bilim berý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryn bekitý týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy № 1684 qaýlysymen bekitilgen sanıtarııalyq-epıdemıologııalyq talaptarǵa sáıkes turǵyn úı alańyn usynýdy;
2) ońaltý jáne emdeý, bilim berý, mádenı is-sharalarǵa, ózine-ózi qyzmet kórsetý daǵdylaryna, turmystyq baǵdar negizderine oqytýǵa arnalǵan jıhazben jáne (nemese) arnaıy jabdyqtarmen jabdyqtalǵan úı-jaılardy usynýdy;
3) jumsaq múkámmaldy (kıim, aıaq kıim, ishki kıimder jáne tósek-oryn jabdyqtary) usynýdy;
4) «Áleýmettik kómek kórsetiletin azamattarǵa áleýmettik kómektiń mólsherin, kózderin, túrlerin jáne ony berý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 12 naýryzdaǵy № 320 jáne 2011 jylǵy 30 jeltoqsandaǵy № 1684 qaýlylarymen bekitilgen tamaqtaný normalaryna jáne sanıtarııalyq-epıdemıologııalyq talaptarǵa sáıkes tıimdi jáne emdámdik tamaqtanýdy usynýdy;
5) turmystyq qyzmet kórsetýmen (ishki kıimderdi, kıimderdi, tósek-oryn jabdyqtaryn jýý, keptirý, útikteý, zalalsyzdandyrý) qamtamasyz etýdi;
6) qajetti jabdyqtarmen kásiptik turǵydan ózin-ózi aıqyndaýdy jáne shyǵarmashylyq eńbegi úshin jaǵdaılar jasaýdy;
7) emdelýge, oqýǵa, mádenı, sporttyq is-sharalarǵa qatysý úshin kórsetiletin qyzmetti alýshylardy tasymaldaý kezinde kólik qyzmetin usynýdy;
8) kórsetiletin qyzmetti alýshylardyń aqyl-oı, emosııalyq, rýhanı jáne dene damýyna yqpal etetin otbasylyq ortaǵa jaqyn qolaıly jaǵdaı jasaýdy;
9) tósekten turý, tósekke jatý, kıiný, sheshiný, tamaqtaný sııaqty is-qımyldardy oryndaýǵa qabiletsiz kórsetiletin qyzmetti alýshylarǵa jeke qyzmet kórsetý men gıgıenalyq sıpattaǵy áleýmettik-turmystyq qyzmetterdi kórsetýdi jáne olardy osy is-qımyldarǵa úıretýdi;
otbasy jaǵdaıynda usynylatyn:
1) otbasynyń bir múshesine jáne tárbıelenýshige keminde 18 sharshy metrdi quraıtyn turǵyn-jaıdyń jalpy alańyn usynýdy;
2) bilim alý úshin qajetti jaǵdaı jasaýdy, onyń densaýlyǵyna, dene, psıhıkalyq, rýhanı jáne adamgershilik damýyna qamqorlyq kórsetýdi;
3) Qazaqstan Respýblıkasy Úkimetiniń 2011 jylǵy 30 jeltoqsandaǵy № 1684 qaýlysymen bekitilgen tamaqtaný normalaryna jáne sanıtarııalyq-epıdemıologııalyq talaptarǵa sáıkes tıimdi jáne emdámdik tamaqtanýdy usynýdy;
4) jumsaq múkámmaldy (kıim, aıaq-kıim, ishki kıim men tósek-oryn jabdyqtaryn) usynýdy;
5) emdelýge, oqýǵa, mádenı, sporttyq is-sharalarǵa qatysý úshin kórsetiletin qyzmetti alýshylardy tasymaldaý kezinde kólik qyzmetterin usynýdy qamtıdy.
9. Kórsetiletin qyzmetti alýshylardyń jeke jaǵdaıyn eskere otyryp, densaýlyǵyn qoldaýǵa jáne jaqsartýǵa baǵyttalǵan áleýmettik-medısınalyq qyzmetter:
turatyn jáne/nemese kúndizgi bolý oryndaryn usyna otyryp, belgili sanattaǵy azamattarǵa bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdarda:
1) medısınalyq-áleýmettik tekserýdi uıymdastyrýdy jáne ótkizýdi (qajet bolǵan jaǵdaıda densaýlyq saqtaý uıymdarynyń mamandaryn tarta otyryp);
2) alǵashqy medısınalyq baıqaý jáne alǵashqy sanıtarııalyq óńdeý júrgizýdi;
3) alǵashqy medısınalyq-sanıtarııalyq kómek kórsetýdi;
4) tegin medısınalyq kómektiń kepildendirilgen kólemin kórsetýge yqpal etýdi;
5) emdeý-saýyqtyrý is-sharalaryn, onyń ishinde densaýlyq saqtaý mekemelerinde uıymdastyrýdy;
6) jedel aýrýhanaǵa jatqyzýdy jáne densaýlyq saqtaý uıymdarynda erip júrýdi;
7) kórsetiletin qyzmetti alýshylarǵa densaýlyǵynyń jaǵdaıyn eskere otyryp, kútimdi qamtamasyz etýdi;
8) konsýltasııalyq kómek kórsetýdi (bilikti maman bolmaǵan jaǵdaıda – densaýlyq saqtaý uıymdarynan mamandy mindetti túrde tartý);
9) shuǵyl jaǵdaılarda alǵashqy medısınalyq kómek kórsetýdi;
10) profılaktıkalyq is-sharalardy ótkizýdi;
11) áleýmettik-medısınalyq sıpattaǵy ońaltý is-sharalaryn júrgizýdi;
otbasy jaǵdaıynda usynylatyn:
1) medısınalyq usynymdarǵa jáne densaýlyq jaǵdaıyna sáıkes kútim jasaý men emdeýdi, dáriger mamandarynyń júıeli qaraýyn qamtamasyz etýdi;
2) udaıy medısınalyq tekserýdi qamtamasyz etýdi;
3) emdeý-saýyqtyrý is-sharalaryn, onyń ishinde densaýlyq saqtaý uıymdarynda qamtamasyz etýdi;
4) áleýmettik-medısınalyq sıpattaǵy ońaltý is-sharalaryn júrgizýdi;
5) kútim jasaýdy qamtamasyz etýdi, onyń ishinde densaýlyq jaǵdaıyn eskere otyryp, sanıtarııalyq-gıgıenalyq qyzmet kórsetýdi qamtıdy.
10. Kórsetiletin qyzmetti alýshylardyń áleýmettik beıimdelýi, áleýmettenýi men áleýmettik ortaǵa yqpaldasýyna baǵyttalǵan olardyń psıhologııalyq jaı-kúıin túzetýdi kózdeıtin áleýmettik-psıhologııalyq qyzmetter:
turatyn jáne/nemese kúndizgi bolý oryndaryn usyna otyryp, belgili sanattaǵy azamattarǵa bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdarda:
1) tulǵany psıhologııalyq dıagnostıkalaýdy jáne tekserýdi;
2) áleýmettik-psıhologııalyq patronajdy (júıeli qadaǵalaý);
3) kórsetiletin qyzmetti alýshylarmen psıhologııalyq profılaktıkalyq jumystardy;
4) psıhologııalyq konsýltasııalaýdy;
5) kórsetiletin qyzmetti alýshylarǵa psıhologııalyq kómek kórsetýdi, onyń ishinde áńgimelesý, sóılesý, tyńdaý, kóńilin kóterý, belsendilikke yntalandyrý;
6) psıhologııalyq trenıngterdi;
7) kórsetiletin qyzmetti alýshylardy psıhologııalyq túzetýdi;
8) ózara qoldaý toptarynda, qarym-qatynas klýbtarynda sabaq ótkizýdi;
otbasy jaǵdaıynda usynylatyn:
1) psıhologııalyq súıemeldeýdi;
2) kórsetiletin qyzmetti alýshylardy keń áleýmettik ortaǵa tabysty beıimdeý úshin jaǵdaı jasaýdy;
3) oqytý, áńgimelesý, jeke damytý prosesinde áleýmettik-psıhologııalyq bilim berý jáne belsendi paıdalaný úshin jaǵdaı jasaýdy;
4) psıhologııalyq kómek kórsetýdi, onyń ishinde áńgimelesýdi, sóılesýdi, tyńdaýdy qamtıdy.
11. Kórsetiletin qyzmetti alýshylardyń dene múmkindikteri men aqyl-oı qabiletterin eskere otyryp, olardy pedagogıkalyq túzetý men oqytýǵa baǵyttalǵan áleýmettik-pedagogıkalyq qyzmetter:
turatyn jáne/nemese kúndizgi bolý oryndaryn usyna otyryp, belgili sanattaǵy azamattarǵa bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdarda:
1) áleýmettik-pedagogıkalyq keńes berýdi;
2) túzetý-pedagogıkalyq súıemeldeýdi;
3) kórsetiletin qyzmetti alýshylardy tárbıeleý men oqytý prosesin uıymdastyrýdy, olardyń áleýmettenýin, beıimdelýin jáne áleýmettik ortaǵa yqpaldasýyn;
4) kórsetiletin qyzmetti alýshylardyń dene múmkindikteri men aqyl-oı qabiletterin eskere otyryp, olardyń bilim alýyna yqpal etýdi;
5) kórsetiletin qyzmetti alýshylardy qashyqtyqtan jáne ınklıýzıvti bilim berýdi qosa alǵanda, úı jaǵdaıynda oqytýdy;
otbasy jaǵdaıynda usynylatyn:
1) kórsetiletin qyzmetti alýshylardy tárbıeleý men oqytý prosesin uıymdastyrýdy, olardyń áleýmettenýin, beıimdelýin jáne áleýmettik ortaǵa yqpaldasýyn;
2) kórsetiletin qyzmetti alýshylardyń dene múmkindikteri men aqyl-oı qabiletterin eskere otyryp, olardyń bilim alýyna yqpal etýdi;
3) bilim berý mekemesine barýyn, eger onyń densaýlyq jaǵdaıyna baılanysty bilim berý mekemesine barý múmkindigi bolmaǵan jaǵdaıda, «Bilim týraly» 2007 jylǵy 27 maýsymdaǵy Qazaqstan Respýblıkasynyń Zańyna sáıkes bilim alýyn qamtamasyz etýdi;
4) kásiptik bilim alýǵa yqpal etýdi qamtıdy.
12. Kórsetiletin qyzmetti alýshylardy otbasy jáne belgili sanattaǵy azamattarǵa turatyn jáne/nemese kúndizgi bolý oryndaryn usyna otyryp, bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdar jaǵdaıynda tulǵalyq damý deńgeıin kóterýge, áleýmettik beıimdeýge, kásiptik turǵydan ózin-ózi aıqyndaýǵa jáne odan ári jumysqa ornalastyrýǵa baǵyttalǵan áleýmettik-eńbek qyzmetteri:
1) kórsetiletin qyzmetti alýshylarda bar eńbek daǵdylaryn zertteý jóninde is-sharalar ótkizýdi;
2) emdeý-eńbek qyzmetin júrgizýdi;
3) kórsetiletin qyzmetti alýshylardy qoljetimdi kásiptik daǵdylarǵa úıretý jónindegi is-sharalardy ótkizýge yqpal etýdi;
4) jeke fızıkalyq múmkindikteri men aqyl-oı qabiletterine sáıkes kásibin alý úshin yqpal etýdi qamtıdy.
13. Otbasy jáne belgili sanattaǵy azamattarǵa turatyn jáne/nemese kúndizgi bolý oryndaryn usyna otyryp, bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdar jaǵdaıynda kórsetiletin qyzmetti alýshylardyń bos ýaqytyn uıymdastyrýǵa jáne olardy bos ýaqyt is-sharalary men salaýatty ómir saltynyń negizin qalyptastyrýǵa tartýǵa baǵyttalǵan áleýmettik-mádenı qyzmetter:
1) merekeler men bos ýaqytty ótkizý is-sharalaryn uıymdastyrýdy;
2) klýbtyq jáne úıirmelik jumysty uıymdastyrý men júrgizýdi;
3) bos ýaqyt is-sharalaryna tartýdy, mádenı is-sharalarǵa qatystyrýdy (ekskýrsııalar uıymdastyrý, teatrǵa, kórmelerge, konsertter men basqa da is-sharalarǵa barý) qamtıdy.
14. Otbasy jáne belgili sanattaǵy azamattarǵa turatyn jáne/nemese kúndizgi bolý oryndaryn usyna otyryp, bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdar jaǵdaıynda kórsetiletin qyzmetti alýshylardyń ómir súrý deńgeıin qoldaý men jaqsartýǵa baǵyttalǵan áleýmettik-ekonomıkalyq qyzmetter:
1) tıesili járdemaqylardy, alımentter men tólemderdiń basqa da túrlerin alýǵa yqpal etýdi;
2) «Turǵyn úı qatynastary týraly» Qazaqstan Respýblıkasynyń Zańyna sáıkes turǵyn úı jaǵdaılaryn jaqsartýǵa járdem kórsetýdi qamtıdy.
15. Otbasy jáne belgili sanattaǵy azamattarǵa turatyn jáne/nemese kúndizgi bolý oryndaryn usyna otyryp, bilim alýǵa, tárbıelenýge quqyqtarynyń memlekettik kepildikterin qamtamasyz etetin uıymdar jaǵdaıynda kórsetiletin qyzmetti alýshylarǵa quqyqtyq mártebege ıe bolý nemese ózgertý, memleket kepildik bergen zań kómegin kórsetýge, zańdy quqyqtary men múddelerin qorǵaýǵa baǵyttalǵan áleýmettik-quqyqtyq qyzmetter:
1) arnaýly áleýmettik qyzmetter kórsetý salasynda áleýmettik qamtamasyz etý quqyǵyna baılanysty máseleler boıynsha zań keńesin berýdi jáne Qazaqstan Respýblıkasynyń zańnamasyna sáıkes kómekti;
2) zańdy máni bar qujattardy resimdeýge kómek kórsetýdi;
3) arnaýly áleýmettik qyzmetterdi kórsetetin jáne kórsetiletin qyzmetti alýshylardyń zańdy quqyqtaryn buzatyn nemese shekteıtin uıymdardyń áreketine nemese áreketsizdigine ótinish daıyndaýǵa jáne berýge kómek kórsetýdi;
4) zańnamada belgilengen jeńildikter men artyqshylyqtardy, áleýmettik tólemderdi alýǵa kómek kórsetýdi jáne yqpal etýdi;
5) kórsetiletin qyzmetti alýshylarǵa nemese olardyń otbasy múshelerine jasalǵan fızıkalyq jáne psıhıkalyq zorlyq-zombylyqqa kináli adamdardy jaýapkershilikke tartýǵa yqpal etýdi;
6) qorǵanshylyq jáne qamqorshylyq organdaryna balalardy otbasyna ornalastyrýǵa, onyń ishinde asyrap alýǵa, qamqorlyqqa, patronatqa, qorǵanshylyqqa berýge yqpal etýdi;
7) jumysqa ornalasý úshin, jeke basyn kýálandyratyn qujat jáne zańdy máni bar basqa da qujattardy alý úshin qujattardy resimdeýge zań kómegin kórsetýge yqpal etýdi;
8) 1999 jylǵy 13 shildedegi Qazaqstan Respýblıkasynyń Azamattyq is júrgizý kodeksi, Qazaqstan Respýblıkasynyń «Advokattyq qyzmet týraly» 1997 jylǵy 5 jeltoqsandaǵy, «Memleket kepildik bergen zań kómegi týraly» 2013 jylǵy 3 shildedegi Zańdarynda belgilengen jaǵdaılarda jáne tártippen memleket kepildik bergen quqyqtyq kómek alýǵa yqpal etýdi qamtıdy.