Halyqaralyq ınstıtýttardaǵy dıplomatııalyq qarym-qatynastardyń bosańsýyna qaramastan dinaralyq baılanystardyń mańyzdylyǵyn joǵary qoıamyz. Ǵylymı-tehnologııalyq progrestiń damýy barysynda órkenıetaralyq qaqtyǵystardyń jónsizdigi aıqyn kórinedi.
Qazaq jerinde ótken sezge álemniń túkpir-túkpirinen kóptegen din ókiliniń qatysýy olardyń beıbitshilikke degen yntasyn, Qazaqstannyń baıandy baılanystyń altyn kópiri ekenin aıqyndaı tústi. Bul alańda qatysýshylar oı-pikirin ortaǵa salyp, yntymaqtastyqtyń irgetasyn nyǵaıtýǵa jol ashylmaq. О́ziniń sapalyq deńgeıin arttyra túsken bul dástúrli forým – álemniń dinı-ekonomıkalyq jáne saıası máseleleri ýshyǵyp turǵan ýaqytta mádenıetter men órkenıetter arasyn jalǵap, olardyń til tabysýyna, bir-birimen ymyraǵa kelip, yntymaqtastyǵyn kúsheıtýge baǵyttalǵan is-shara. О́tken kezeńderde týyndaǵan almaǵaıyp saıası oqıǵalar men dinı qyrǵı-qabaq qaqtyǵystar, kópkonfessııaly qoǵamdaǵy problemalar áli kúnge deıin óz sheshimin kútip, ózektiligin joımaı kele jatyr. Sol sebepti dástúrli din ókilderi bir-birin jatsynbaı, dinaralyq dıalog alańynda ózderin tolǵandyrǵan máseleler týraly ortaq oı órbitýge nıetti.
Qazirgi ýaqytta Qazaqstan dıplomatııalyq elderdiń biri bolyp tabylyp, máselelerdi beıbit jolmen sheshýge barlyq memleketterdi shaqyrady. Munda ultaralyq jáne konfessııaaralyq kelisimdi nyǵaıtý jáne saqtaýdyń ózindik modeli qalyptasty. Árbir kópultty memlekettiń basty baǵyty – ózara túsinýshilik pen kelisim. Mańyzdy is-sharada beıbitshilik pen turaqtylyqty nyǵaıtýǵa baǵyttalǵan usynystar jasalady. Bastysy – órkenıetter jáne dinderdiń arasyndaǵy shıelenisýshilik deńgeıin tómendetýge áser etetini sózsiz.
Aaron FRENKEL,
Evreılerdiń Eýrazııalyq kongresiniń vıse-prezıdenti