Aqbaýyrǵa nazar aýdy

Ǵylymı-tájirıbelik kon­­­­­fe­ren­sııanyń basty maq­sa­ty – halyqaralyq ǵy­ly­mı qa­ýymdastyq pen qa­lyń jurt­shy­lyqty aımaq­tyń arheo­lo­gııalyq áleýe­timen tanystyrý. Konfe­ren­sııada elimizdiń be­deldi gý­manıtarlyq ǵylymı ınstıtýttary men joǵary oqý oryndarynyń tarıhshy-ǵa­lym­dary baıandama jasady.

Is-shara aıasynda Ǵylym jáne joǵary bilim vıse-mınıstri Qýanysh Erǵalıev jer­­gilikti ǵalymdardyń qaz­ba ju­mystary nátıje­sin­de tabylǵan qundy jádi­ger­ler­men tanysty.

– Búkil Eýrazııa keńis­tigin­degi týys halyqtardyń, ásirese qazaqtyń tarıhynda as­­qar taýly qart Altaıdyń orny erekshe. Saq órkenıeti men alǵashqy dalalyq ımperııa qurǵan ǵundardan bastalatyn Túrki dúnıesi paıda bolǵan Altaı túrki ále­mi­niń altyn besi­gine aı­nal­dy. Ǵalymdarmen birge Ulan aýdanyndaǵy qo­la dáýirine jatatyn Aq­baýyr eskert­kishinde bolyp, saqtardyń ejelgi qo­­ny­syn kórip qaıttyq. Ǵa­lym-arheologterdiń zertteý nátı­jeleri ǵylym pa­raqtaryn jańartatyny anyq. Osy oraıda mınıstrlik tarapynan arheo­logııalyq zert­teýlerdi qarjylandyrý má­selesine 2022-2024 jyl­darǵa arnalǵan tarıh ǵy­lymy boıynsha jalpy qar­jylandyrý kózdelgenin atap ótkim keledi, – dedi Qýa­nysh Erǵalıev.

Esterińizge sala ketsem, Aq­­­­baýyr úńgiri – qola dáýi­ri­niń eskertkishi. At izin salar bolsańyz, úńgir qa­byr­ǵa­syndaǵy kú­reń ohramen sa­lynǵan ań stı­lindegi sýret­terdi kórer edińiz. Ta­rıh­shy ma­mandardyń piki­rinshe, ol sýretter b.z.b. 3-myń­jyl­dyq­tyń basyna jatady eken. Tóbesi oıyq úńgir de kir­gen adamǵa erekshe áser etedi. Úń­gir tórindegi sýret­ter­diń maz­muny óte kúr­deli. Qos dóń­gelekti arba, ógiz, taýtekeniń sý­ret­teri beınelengen. Bul da­ǵy sol dáýirdegi dinı nanym-senim­derine baılanysty bol­s­a kerek. Aqbaýyrdaǵy qaz­ba jumystarynyń ózge qo­­rym­dardan ereksheligi, mun­da saqtardyń qonysy ta­­byl­ǵan. Máselen, Berelde tek jer­­len­gen oryndary ǵa­na bol­­sa, munda sonaý ǵasyr­dyń tur­mys-tirshiligin aı­ǵaq­taıtyn dúnıeler tabyl­ǵan.

Taǵylymdy, tanymdyq konferensııadan soń Ulan aýdany, Besterek aýylynda jańadan boı kótergen ól­ketaný mýzeıi resmı túrde ashyldy.

Shyǵys Qazaqstan oblysy