Premer-Mınıstrdiń orynbasary – Qarjy mınıstri Erulan Jamaýbaev Memleket basshysynyń 2022 jylǵy 1 qyrkúıektegi Qazaqstan halqyna Joldaýynda berilgen tapsyrmalaryn iske asyrý jóninde keńes ótkizdi.
Keńes barysynda fıskaldy retteý isin jańǵyrtý úshin arnaıy salyq rejimderin jeńildetýge jáne salyqtyq ákimshilendirýdi sıfrlandyrýǵa erekshe nazar aýdarylatyn jańa Salyq kodeksi ázirlenip jatqany atap ótildi. Sondaı-aq bıýdjet prosesin bıýrokratııadan aryltýǵa basymdyq beriletin jańa Bıýdjet kodeksi boıynsha jumys júrgizilýde. Eki jańa kodekstiń jobalary 2023 jyldyń kóktemine deıin daıyn bolýy tıis.
Sonymen qatar tarıftik saıasatty reformalaý úshin tabıǵı monopolııalar salasyn retteýdiń jańa tujyrymdamasy – «Investısııaǵa aıyrbastalǵan tarıf» usynyldy. Ol boıynsha tutynýshylar qarajatyn maqsatty paıdalanýdy qatań baqylaý, monopolısterdiń áleýmettik jaýapkershiligin arttyrý, tabıǵı monopolııalardy memlekettik retteý rásimderiniń jarııalylyǵyn qamtamasyz etý jáne t.b. qarastyrylǵan.
2024 jylǵy 1 qańtardan bastap kásipkerlik qyzmetti «taza paraqtan» retteýdi engizý boıynsha jumys jalǵasady. Taldaý qorytyndysy boıynsha kásipkerlik sýbektileri qyzmetiniń 9 salasynda 22 myńnan asa talap anyqtaldy. Olardyń shamamen 17%-y jańa retteýshilik saıasatqa sáıkes kelmeıdi. Sondyqtan olardyń kúshi joıylady nemese qaıta qaralady. Qalǵan salalar boıynsha jumys 2023 jyldyń I toqsanynyń sońyna deıin aıaqtalady.
Memleket-jekeshelik áriptestik tetiginiń tıimdiligin arttyrý jáne sharttar jasaýdyń ashyqtyǵyn qamtamasyz etý sheńberinde MJÁ týraly zańǵa engiziletin tıisti túzetýler ázirlendi. Olardy jyl sońyna deıin qabyldaý josparlanyp otyr.
«Samuryq-Qazyna» UÁQ» AQ qyzmetin qaıta formattaý bóliginde synı baǵalaý júrgize otyryp, qordyń ınvestısııalyq jobalary men aktıvteriniń portfeli qaıta qaralady. Nátıjesinde jekeshelendirý jáne basqa da tetikter arqyly ońtaıly portfel qalyptastyrylýy tıis, bul memlekettik resýrstardy bosatýǵa jáne qaıta bólýge múmkindik beredi.
Memlekettik basqarý júıesin qaıta jańǵyrtý baǵyty boıynsha ortalyqtan óńirlerge ókilettikterdi qaıta bólý úshin fýnksıonaldyq taldaý júrgiziledi. Sonyń arqasynda jergilikti mańyzy bar máselelerdi jedel sheshý úshin óńirlik basqarýshylardyń ókilettikteri keńeıtiledi.
Qarjy mınıstrliginiń jelisi boıynsha salyqtyq jáne kedendik aqparattyq júıelerdi ıntegrasııalaý, sondaı-aq «bir tereze» qaǵıdaty boıynsha keshendi kedendik baqylaýdy engizý jumystary júrgizilip jatyr.
Buǵan qosa «Memlekettik satyp alý týraly» jańa zań ázirlenýde. Onda satyp alynatyn taýarlardyń, jumystar men qyzmetterdiń eń tómengi baǵasynan sapanyń basymdyǵy qaǵıdatyn engizý kózdelgen. Bul rette barlyq memlekettik jáne kvazımemlekettik uıymdardyń satyp alýlaryn biryńǵaı platformaǵa kóshirý josparlanýda.
Keńes qorytyndysy boıynsha E.Jamaýbaev tıisti zańnamalyq túzetýlerdi jedel ázirleý, olardy jyl sońyna deıin qabyldaý, sondaı-aq Memleket basshysynyń Joldaýyn iske asyrý jónindegi Jalpyulttyq jospardy sapaly jáne ýaqytyly oryndaý qajettigin atap ótti.