Almaty qalasy Túrksib aýdanynda esirtki oshaǵyn uıymdastyrǵan 39 jastaǵy turǵyn ustaldy, dep habarlaıdy Egemen.kz.
«Esirtkini satyp alǵany jáne satqany úshin birneshe ret sotty bolǵan 39 jastaǵy B. esimdi azamatsha esirtki óndirý oshaǵyn uıymdastyrǵany jáne qamtamasyz etkeni úshin ustaldy. Atalǵan derek boıynsha Túrksib aýdandyq PB tergeý bóliminde QR QK-niń 302-baby 1-bóligi (Esirtki, psıhotroptyq zattardy, sol tektesterdi tutyný úshin prıtondar uıymdastyrý nemese olardy ustaý jáne osy maqsattar úshin úı-jaılar berý) boıynsha qylmystyq is qozǵaldy. Áıel adam úıin nashaqorlarǵa berip, sıntetıkalyq esirtki satýmen aınalysqan. Sońǵy satyp alýda kúdikti men onyń dosy turaqty tutynýshyǵa aq untaqty jáne erekshe ıisi bar polıetılen býmasyn satqan. Saraptama qorytyndysyna sáıkes, bul – sıntetıkalyq esirtki», dedi Almaty qalalyq polısııa departamenti Esirtki qylmysyna qarsy kúres basqarmasynyń bastyǵy Erlan Álmaǵambetov.
Ustalǵan sátte páterde ıesinen basqa úsh er adam bolǵan. Olardyń esirtki qoldanǵany anyqtaldy. Ruqsat etilgen tintý kezinde polıseıler 19 medısınalyq pıpetka men shprıs tárkiledi.