Túrkistan oblysy aýmaǵynda 838 aýyldyq eldi meken bar. Aýdan, qala ákimdikteriniń taldaý aqparaty nátıjeleri boıynsha 642 eldi mekendegi 1 753 012 turǵyn sapaly ınternetpen qamtylǵan, bul – jalpy oblyc halqynyń 73,7 paıyzy. Sondaı-aq óńirdegi 441 129 oqýshy 3G jáne 4G mobıldi jelisimen, 123 aýyldyq eldi mekende 63 myńǵa jýyq oqýshy 2G mobıldi jelisimen qamtamasyz etilgen.
Oblystyq sıfrlandyrý, memlekettik qyzmetter kórsetý jáne arhıvter basqarmasynyń basshysy E.О́tebaevtyń aıtýynsha, bıyl óńirde 152 aýyldy sapaly ınternetpen qamtý josparlanyp, onyń 51-inde jańa bazalyq stansa iske qosylǵan. Qalǵan 101 eldi meken jyl sońyna deıin ınternetpen qamtylady. Keı aýdandarda ǵalamtor sapasy nashar. Ol jóninde oblys ákiminiń eseptik kezdesýlerinde aýdan turǵyndary tarapynan aıtylǵan. Bul oraıda oblys ákimi árbir aýdan, aýyldaǵy baılanys sapasy nazarǵa alynýy qajettigin aıtty.
«Jyldam ǵalamtormen qamtamasyz etý jumysy jalǵasýǵa tıis. Jyl sońyna deıin jospardaǵy 100-den astam eldi mekendi ınternetpen qamtý jumystary tolyq atqarylsyn», dedi Darhan Satybaldy apparat otyrysynda.
О́ńirde «250+» jobasy aıasynda 2020-2021 jyldary 129 eldi mekende mobıldik ınternet sapasy artqan. MJÁ jobasy aıasynda 376 eldi meken talshyqty-optıkalyq ınternetpen qamtamasyz etildi. Elimizde alǵash ret Túrkistan óńirinde «Qazaqtelekom» jáne «Transtelekom» aksıonerlik qoǵamdary tarapynan memleket-jekemenshik áriptestigi jobasy boıynsha aýyldarda talshyqty-optıkaly jelisin paıdalaný iske asyryldy. О́tken jyly 82 aýyl ınternetke aýa arqyly radıomost tehnologııasymen qosyldy. Qazir osy 82 aýyldyń turǵyndary, ıaǵnı 6 myńǵa jýyq jeke turǵyn úı joǵary jyldamdyqty ınternet paıdalanýda.
Aıta ketelik, oblys aýmaǵyndaǵy aýyldyq jerlerdi ǵalamtormen qamtý men sıfrlandyrý baǵytyna byltyr 34 mlrd teńge jumsalsa, 2022 jyly 17,5 mlrd teńge bólinip otyr. Al 2025 jylǵa deıin bul maqsatqa 225 mlrd teńge qarastyrylǵan.
Túrkistan oblysy