Senat Tóraǵasy Máýlen Áshimbaev otandasymyz Gennadıı Golovkınge qoldaý bildirip, óziniń Instagram paraqshasyna pikir qaldyrdy.
«Otandasymyz Gennadıı Golovkınniń @gggboxing kezekti tarıhı jekpe-jegine kýá boldyq. Bul kezdesýde baby men baǵy qatar shappasa da ol biz úshin qashanda chempıon bolyp qala beredi. Buǵan deıin talaı márte jarqyn jeńisterimen barshamyzǵa qýanysh syılaǵan sportshymyzdy biz árdaıym qoldaımyz.
Gennadıı Golovkın el sportyn damytýǵa, qazaq boksyn álemge tanytýǵa úlken úles qosty. Onyń chempıondyq joldaǵy qajyrly eńbegi, tózimdiligi men tabandylyǵy árbir qazaqstandyq atlet úshin úlgi-ónege ekeni sózsiz. Golovkınge eliktep ósken jas boksshylarymyz sharshy alańda áli talaı atoı salady dep senemiz.
Chempıonymyzǵa aldaǵy ýaqytta tek sáttilik tileımiz! Biz seni árdaıym maqtan tutamyz, Gena!», delingen instagram-daǵy paraqshasynda.