Qazaqstannyń bas qalasynda Álemdik jáne dástúrli dinder kóshbasshylarynyń VII sezi ótti. Qonaqtardyń arasynda Rım Papasy Fransısk boldy.
2003 jyly eń alǵashqy kongress ótkende Vatıkannyń Memlekettik hatshysy Andjelo Sodano: «Assızı rýhy Astananyń rýhyna aınalsyn» degen bolatyn. Rasynda, Rım Papasy Fransısktiń týǵan jeri Italııanyń Assızı qalasynda budan 36 jyl buryn túrli din kóshbasshylary kezdesýleriniń tarıhy bastalǵanyn biletinder az. Osy kúnge deıin álemdik din kóshbasshylary birigip, máselelerin talqylaǵan emes.
«Búginde biz Qudaı týraly aıtamyz. Biraq din jıi óshpendiliktiń, soǵystyń, lańkestiktiń quraly retinde jıi teris paıdalanylady. Sondyqtan búginde Assızı rýhy Qazaqstanmen qatar barlyq jerlerde qalyqtaýy qajet», dedi sezde sóılegen sózinde Rım Papasy.