Bekasyl murasyna arnaldy

Forýmǵa qatysýshylar sha­ra bastalmas buryn Bekasyl baba kesenesine baryp, quran baǵyshtady. Mýzeıimen tanys­ty. Keńesaryq aýylyndaǵy es­kertkishine gúl shoqtaryn qoıdy.

Qasqasýda qazaq-qyrǵyz zııa­lylary bas qosqan Bekasyl Bıbolatulynyń 200 jyldyq mereıtoıyna Qazaqstan Prezı­dentiniń keńesshisi Málik Otar­baev ar­naıy kelip, Prezıdenttiń qut­tyqtaýyn jetkizdi.

«Qasıetti Túrkistan topy­raǵynda dúnıege kelip, ult rýha­nııatynyń damýyna zor úles qosqan ǵulamanyń «Zıkzal» at­ty eńbegi halqymyz úshin asyl mura. Qazaq rýhanııatyndaǵy alyp tulǵalardyń biri Máshhúr Júsip Kópeıuly ǵulama Bekasyl Bıbolatulyn asa qurmetpen ustaz dep moıyndap, onyń «Zık­zal» atty eńbegin baǵa jetpes qundy ǵylymı týyndy dep baǵalaǵan» delingen Prezıdent quttyqtaýynda.

Sondaı-aq ataýly sharaǵa bel­gili qalamger, Májilis depýtaty Saýytbek Abdrahmanov, memleket jáne qoǵam qaıratkeri Amalbek Tshanov, Qyrǵyzstan­nan kelgen delegasııanyń basshysy, halyq aqyny Kojogeldi Kúltegin men osy el Joǵarǵy Keńesiniń eks spıkeri Zaınıdın Qurmanov, Túrkistan oblysy ákiminiń orynbasary Sáken Qal­qamanov qatyssa, forým moderatory Qazaqstan Jazýshylar odaǵy tóraǵasynyń orynbasary Aqberen Elgezek boldy. Spıkerler baba murasy týraly oı qozǵap, rýhanı is-sharanyń deńgeıin kóterdi.

Bekasyl Bıbolatulynyń «Zıkzal» atty taǵylymy mol shyǵarmasy jaıynda Zárip­­baı Orazbaı, ańyz-áńgimeleri ja­ıynda Saýytbek Abdrahmanov, Altynbek Qur­manov arnaıy baıandama jasa­dy. Anarbek Orman «Zıkzal» eńbeginiń praktıkalyq máni týraly pikirin ortaǵa saldy.