AQSh prezıdenti Djo Baıden «CBS 60 Minutes» baǵdarlamasynda koronavırýstyq pandemııanyń aıaqtalǵanyn aıtty, dep habarlaıdy Egemen.kz breitbart basylymyna silteme jasap.
Vırýs alǵash ret 2019 jyly jeltoqsanda Qytaıdyń Hýbeı provınsııasynyń Ýhan qalasynda anyqtalǵan. Amerıka Qurama Shtattaryna 2020 jyldyń basynda jetti. Pandemııaǵa baılanysty birneshe shtatta sol jyldyń kókteminen bastap birqatar kásiporyn men mektepter karantınge jabyldy. Koronavırýsqa qarsy vaksınalar ártúrli elderde 2020 jyldyń jeltoqsan aıynan bastap qoljetimdi.
Baǵdarlama barysynda Baıdenge «Pandemııa aıaqtaldy ma?» degen saýal qoıyldy.
«Pandemııa aıaqtaldy. Biraq áli de koronavırýs máselesi bar. Biz áli de kóp jumys istep jatyrmyz. Baıqasańyz, betperde kıgen eshkim joq. Sondyqtan bári jaqsy dep oılaımyn. Bul tamasha úlgi», dep jaýap berdi AQSh prezıdenti.