Memleket basshysy Nıý-Iork qalasynda shetelde turatyn ári álemniń jetekshi tehnologııalyq kompanııalarynda jumys istep jatqan 400 qazaqstandyqty biriktiretin Digital Nomads IT qoǵamdastyǵynyń ókilderimen kezdesý ótkizdi, dep habarlaıdy Egemen.kz Prezıdenttiń baspasóz qyzmetine silteme jasap.
Beıresmı jaǵdaıda ótken kezdesýde Qazaqstanda IT salasyn damytý perspektıvalary men qazirgi álemdik úrdister talqylandy.
Qasym-Jomart Toqaev kezdesýde Ádiletti Qazaqstan daryndy jastarǵa jańa múmkindikter ashatynyn aıtty.
Sonymen qatar kezdesýde Taskrabbit com kompanııasynyń strategııa jáne damý jónindegi jetekshisi Áset Ábdýálıev, DCVC kompanııasynyń venchýrlyq ınvestory ári dırektory Anna Fokına, Google kompanııasynyń ınjener-programmısi Araı Sabyrjan jáne Booking com kompanııasynyń menedjer-programmısi Álibek Datbaev sóz sóıledi. Olar Prezıdentke sheteldik kompanııalardaǵy jumystarynan alǵan áserin aıtyp, otandyq IT salasyn odan ári damytý jáne onyń básekege qabilettiligin arttyrý jóninde birqatar usynys bildirdi.
Qasym-Jomart Toqaev Digital Nomads ókilderine tabys tilep, olar elimizdiń damýy men órkendeýine eleýli úles qosatynyna senim bildirdi.