Ádette «Bolashaq» baǵdarlamasy boıynsha sheteldiń oqý oryndarynda bilim alý múmkindigine ıe bolǵan jandardyń deni úlken qalalarda turatyn sııaqty kórinetin. Memlekettiń arnaýly stıpendııasyna qol jetkizý úshin qoıylar talaptyń joǵary ekeni daýsyz. Al aýyl mektebin bitirip, sol aýylda eńbek etip júrgen jastardyń jeńisi «Bolashaq» boıynsha tek qalada turyp, oqyǵan alǵyr býyn ókilderi ǵana bilim alady degen túsinikti tas-talqan etip buzǵandaı.
Máselen, bıyl Almaty oblysynan ekinshi jas talap «Bolashaq» baǵdarlamasy boıynsha grant ıegeri atanyp otyr. Sál burynyraqta Jambyl aýdanyna qarasty Uzynaǵash aýylyndaǵy orta mekteptiń matematıka pániniń muǵalimi Gúlzııa Qumanhan «Bolashaq» baǵdarlamasy boıynsha shetelde oqýǵa qol jetkizgen bolatyn. Ol endi Amerıkanyń jetekshi oqý oryndarynyń biri – Ońtústik Florıda ýnıversıtetinde oqıdy.
– Aýylda týyp-ósip, mektep bitirdim. Úzdik oqyp, joǵary bilim aldym. Odan aýylǵa oralyp, mektepte sabaq berdim. Bala kúngi armanyma osylaısha jettim. Shákirt tárbıelep júrip, zamannyń kóz aldyńyzda ózgerip, túrlenip otyrǵanyn ańǵarasyz. Ýaqytqa ilesý úshin izdenis qana emes, tájirıbe de qajet ekenin uǵasyz. Ony damyǵan elderden úırenýdi oılaısyz, osylaı oı armanǵa aınalady. Meniń «Bolashaq» stıpendııasyna qujat tapsyrýyma osy armanym túrtki boldy. Daıyndaldym, aldymen aǵylshyn tilin úırenýge kúsh saldym. Áýeli ınternet jelisindegi onlaın sabaqtyń kómegimen aǵylshyn tiliniń bastapqy deńgeıin meńgerdim, sosyn arnaıy kýrstan ótip joǵary deńgeıge óttim. Erinbeı, shet tilin kúnine 5-6 saǵat boıy oqydym. Bar oıym IELTS emtıhanynan joǵary baǵa alý boldy. Buıyryp, tıisti 9 upaıdyń jeteýin jınadym, – deıdi Gúlzııa.
Al kúni keshe Almaty oblysynyń Qarasaı aýdanyna qarasty Jibek joly aýylyndaǵy orta mekteptiń matematıka pániniń muǵalimi Marjan Erjan «Bolashaq» baǵdarlamasy boıynsha AQSh-taǵy joǵary oqý ornynyń doktorantýrasynda oqıtyn boldy. Iаǵnı endi aýyldan shyqqan «Bolashaq» stıpendıanty Ońtústik Kalıfornııa ýnıversıtetinde bilim salasyndaǵy basqarýdy zertteıdi.
– Ata-anamnyń jolyn qýyp, ustaz bolsam degen arman paıda boldy. Aýyl mektebinde matematıkadan sabaq beremin, kópbalaly otbasynan balalarǵa aǵylshyn tilin tegin úıretemin. О́zim de aýyl mektebin bitirdim. Shetelde oqýǵa múmkindigim bolady dep oılamappyn. «Bolashaq» baǵdarlamasy arqyly otandastarymyz álemniń úzdik joǵary oqý oryndarynda akademııalyq bilim alyp, ǵylymı dáreje alýǵa múmkindik aldy. AQSh-taǵy ýnıversıtettiń doktorantýrasyn bitirgennen keıin elimizdiń bilim salasyn damytýǵa óz úlesimdi qosqym keledi, – deıdi Marjan Erjan.
Almaty oblysy