Joǵarǵy Sottyń azamattyq ister jónindegi sot alqasynyń tóraǵasy Nurserik Sháripov óńirdiń sýdıalar korpýsyna Jetisý oblystyq sotynyń tóraǵasy Erjan Kenenbaevty tanystyrdy. Buǵan deıin ol Almaty qalalyq sotynyń sýdıasy qyzmetin atqarǵan, dep habarlaıdy Egemen.kz Joǵarǵy sottyń baspasóz qyzmetine silteme jasap.
Kezdesýge oblys ákimi Beıbit Isabaev pen óńirdiń memlekettik jáne quqyq qorǵaý organdarynyń birinshi basshylary qatysty.
N.Sháripov E.Kenenbaev týraly aıta kele, onyń 15 jyldyq sýdıalyq eńbek ótili men zańger retindegi mol tájirıbesin atap ótti. Jıyn sońynda spıker óńirdiń sýdıalar korpýsynyń aldyna Joǵarǵy Sottyń jobalaryn iske asyrý boıynsha birqatar mindet júktedi.
Erjan Ábdiraqymuly Kenenbaev 1964 jyly Almaty oblysynda dúnıege kelgen. Ál-Farabı atyndaǵy Qazaq memlekettik ýnıversıtetin «Quqyqtaný» mamandyǵy boıynsha bitirgen.
1992-2007 jyldary Almaty qalasynyń prokýratýra organdary men túrli mekemelerde zańger bolyp qyzmet atqarǵan.
2007-2014 jyldary – Almaty oblysy Panfılov aýdandyq sotynyń sýdıasy.
2014 jyldan osy taǵaıyndaýǵa deıin – Almaty qalalyq sotynyń sýdıasy laýazymynda boldy.