Ádette men jańa aýdıtorııanyń, onyń ishinde Qordyń jańa seriktesiniń ne baǵdarlamanyń jumysyn baıqaýǵa kelgen halyqaralyq uıymdardyń ókilderiniń aldynda Kelisilgen aqshalaı járdemaqylar baǵdarlamasy (KAJB) týraly áńgimeleý barysynda «biregeıli» degen sózdi kóp qoldanamyn. Bul sóz naqty osy ınnovasııalyq baǵdarlamany sıpattaýǵa laıyq dep sanaımyn, sebebi, ol álemniń 20-dan astam elinde áleýmettik qamsyzdandyrý baǵytynda paıdalanylyp kele jatqan eń jańa qural bolyp tabylady.
Biregeıli Aqparatty basqarý júıesi, biregeıli eriktiler júıesi, benefısıarlar sanattarynyń biregeıligi jáne basty biregeıligi – KAJ baǵdarlamasy memleket tarapynan emes, kommersııalyq emes uıymnyń tarapynan júzege asyrylady. Sondaı-aq, menińshe, «BOTA» qorynyń KAJ baǵdarlamasynyń biregeıligi – tórt jyldyń ishinde sanaly túrde qyzmetkerlerdiń, eriktilerdiń jáne benesıarlardyń boıynda qalyptasqan adamdarǵa degen qarym-qatynasta.
Az qamtylǵan otbasylar elimizde birinshi ret qaıyrymdylyq sharanyń nysany ǵana emes, olar óz balalarynyń jarqyn bolashaǵyn jaqsartý maqsatynda áleýmettik baǵdarlamanyń tolyqqandy qatysýshysyna aınaldy. Baǵdarlama qyzmetkerleri: «Biz olarǵa járdemaqy tóleımiz», degendi aýzyna alǵan emes, kerisinshe, olar: «Biz adamdarǵa óz balalarynyń erteńgi keleshegin jaqsartý úshin kómektesemiz», deıdi. Eriktiler de ómir súrýdi úıretpeıdi, tek «teń-teńimen» formatynda keshe ǵana ózderi alǵan jańa aqparatpen bólisedi. Baǵdarlama osyndaı ekijaqty ózara túsinistik pen jaýapkershilikke negizdelgen. KAJ baǵdarlamasynyń qyzmetkerleri men eriktilerin úıretý «az qamtylǵan otbasynyń portretin» sýretteýden jáne onyń myqty jaqtary men jańa múmkindikterin anyqtaýdan bastalady. Iаǵnı, biz otbasynyń álsizdigi men qıyndyqtaryn talqylamaımyz. Bul tásil trenıng qatysýshylary úshin balalardyń bolashaǵy úshin jaýapkershilikti tıek etken baǵdarlamanyń biregeıligi men myqtylyǵyn túsinýge kómektesedi.
Baǵdarlamanyń júzege sátti asýy «BOTA» qorynyń qyzmetkeriniń, eriktileri men qatysýshy otbasylardyń ózara yntymaqtastyqqa jáne teń-teńimen qaǵıdasyna negizdelip jumys jasaýyna ǵana baılanysty. Osy jyldyń sońynda baǵdarlama óz jumysyn aıaqtaıdy, osyǵan oraı, onyń nátıjelerin eske alǵanymyz jón bolar. KAJ baǵdarlamasy 150 myńnan astam qatysýshysyna qoldaý kórsetti, al olardyń otbasynda ortasha eseppen alǵanda 470 myńǵa jýyq adam turady. Baǵdarlamaǵa qatysqan adamdarǵa Qor 8 mlrd.teńgeden astam járdemaqy tóledi.
«BOTA» qory áleýmettik baǵdarlamalar jónindegi ádistemelerin memleketke usyndy – Eńbek jáne halyqty áleýmettik qorǵaý mınıstrligine, Bilim jáne ǵylym mınıstrligi men Densaýlyq saqtaý mınıstrligine. Iаǵnı, 4 jyl ishinde jasalǵan jumys óz jalǵasyn tabýy ábden múmkin. Al ana men balanyń densaýlyǵyn kútý, úıdegi kútimdi jaqsartý, balalardyń mektepke daıyn bolyp kelýin qamtamasyz etý, balalaryn túsinip, olarǵa qoldaý kórsetetin ata-analar sanynyń artýy – KAJB-ǵa qatysqan jekelegen otbasylar men jergilikti qaýymdastyq aıasynda óz jalǵasyn ármen qaraı tabady dep senemiz. Sonymen qatar, eriktilerdiń de jumysy alǵa órleı bermek, olardyń birqatary bıyl Aqmola jáne Jambyl oblystarynda júzege asyryla bastaǵan «Jumyspen qamtý-2020» jol kartasy aıasynda jumys jasaıtyn memlekettik «О́rleý» jobasyna tartyldy.
Al qyzmetkerler qaı jerde eńbek etse de adamǵa degen qurmettiń mańyzdylyǵyn árqashan joǵary qoıatyn bolady. Osy qasıetter ármen qaraı jalǵasyp, tipti, «BOTA» qorynyń KAJ baǵdarlamasy týraly eshqashan estimegen adamdarǵa da óz septigin tıgizedi dep úmittenemiz.
Elena VINOGRADOVA,
«BOTA» qory KAJ baǵdarlamasynyń keńesshisi.