Elimizdiń toǵyz oblysynda daýyldy eskertý jarııalandy, dep habarlaıdy Egemen.kz «Qazgıdromet» RMK-ǵa silteme jasap.
Abaı aýdanynyń soltústiginde túnde 2 gradýs úsik kútiledi. Kúndiz oblystyń ońtústiginde shańdy daýyl soǵady. Soltústik-shyǵystan jel soǵady, kúndiz batysta, oblystyń ońtústiginde 15-18 m/s jel soǵady. Oblystyń soltústik-batysynda, soltústiginde, shyǵysynda tótenshe órt qaýpi saqtalady.
Aqtóbe oblysynyń ońtústigi men shyǵysynda tótenshe órt qaýpi jalǵasady.
Shyǵys Qazaqstan oblysynyń soltústik-shyǵysynda túnde topyraq betinde 2 gradýs úsik júredi.
Jetisý oblysynyń taýly aımaqtarynda kúndiz naızaǵaı kútiledi. Alakól aýdanynda ońtústik-shyǵystan ekpini 25 m/s jel soǵady.
Batys Qazaqstan oblysynyń batysynda, soltústiginde naızaǵaı kútiledi.
Qostanaı oblysynyń ońtústigi men Qyzylorda oblysynda tótenshe órt qaýpi saqtalady.
Túrkistan oblysynyń taý asýlarynda shyǵystan 15-20 m/s jel soǵady. Aýdannyń basym bóliginde tótenshe órt qaýpi saqtalady.