Jetisýdaǵy týrızmniń bir múıisi sanalatyn tabıǵaty kórkem Tekeli qalasynyń qurylǵanyna – 70 jyl. О́ńirde óndiris salasynyń negizgi ortalyǵyna balanatyn shaǵyn shahar jyl ótken saıyn túrlenip keledi. Búginde oblys turǵyndary úshin seıil quratyn birden-bir demalys aımaǵy. Jastar úshin de mahabbat alleıasyna aınalyp úlgerdi.
Aıtýly mereke qarsańynda Jastarǵa qyzmet kórsetý ortalyǵy ashyldy. Saltanatty is-sharada qala ákimi Almas Ádil barsha jurtty mereıli merekemen quttyqtady. Taldyqorǵan qalasyndaǵy Jastarǵa qyzmet kórsetý ortalyǵynyń tıpinde salynǵan eki qabatty ǵımaratta 20 adamdyq májilis zaly, ınternet-klýb, 18 orynǵa arnalǵan kovorkıng ortalyǵy, shahmat klýby, 12 adamǵa arnalǵan, barlyq qajettilikpen qamtylǵan trenajer zaly, kıim iletin oryn, dýsh kabınalary, psıhologııalyq kómek ortalyǵy, kompıýterlik kýrstar men robottehnıka sabaqtaryn uıymdastyrýǵa arnalǵan kabınet, shaǵyn kafeterıı, tıisti orgtehnıka men jıhazdar qoıylǵan keńse bólmeleri bar. Qurylys aýmaǵy – 670,5 sharshy metr. Ortalyq bir mezgilde 68 adamdy qabyldaı alady. Munda 10 adam jumys isteıdi.
Jalpy, Tekeli qalasynda 14 pen 29 jas aralyǵyndaǵy jastardyń sany – 5 452 adam. Jyl basynan beri Tekelide 125 jas jumysqa ornalastyryldy. Osy rette qala mektepterinde 41 jas muǵalim eńbek etse, sonyń 19-y bıyl jumysqa qabyldanǵan.
Jetisý oblysy