Premer-Mınıstr Qaraǵandy oblysynda bolǵan jol apatynan qaza tapqan dárigerlerdiń jaqyndaryna kóńil aıtty, dep habarlaıdy Egemen.kz Úkimet basshysynyń baspasóz qyzmetine silteme jasap.
«Keshe keshkisin Qaraǵandy oblysynda qaıǵyly jaǵdaı bolǵanyn bilesizder. Saryshaǵan aýylynyń mańynda jol apatynan 2 dáriger qaza taýyp, 8 medısına qyzmetkeri zardap shekti. Olar Qazaqmys kompanııasynyń qyzmetkerlerin medısınalyq tekserýden keıin qaıtyp kele jatqan. Qaza bolǵandardyń týystary men jaqyndaryna qaıǵyryp kóńil aıtamyn. Al, zardap shekkenderdiń tezirek saýyǵyp ketýlerin tileımin», dedi Álıhan Smaıylov.
Sondaı-aq Premer-Mınıstr Úkimettiń taıaýdaǵy otyrysynyń birine joldaǵy qaýipsizdi máselesin engizýdi tapsyrdy.
Eske sala keteıik, buǵan deıin Qaraǵandy oblysynda jol apatynan eki dáriger kóz jumǵanyn habarlaǵan edik.