Tabıǵı damýǵa taptyrmas aımaq

Mańǵystaý oblysynda Birikken Arab Ámirlikterinen jetkizilgen 80 ıtelgi tabıǵat aıasyna jiberildi. Bul shara Qazaqstan Respýblıkasy Qorshaǵan orta jáne sý resýrstary mınıstrligi men Abý-Dabıdiń Ekologııa mınıstrligi arasyndaǵy yntymaqtastyq sheńberinde uıymdastyryldy, dep habarlady QR QOSRM-niń baspasóz qyzmeti. Birikken Arab Ámirlikterinen jetkizilgen sırek qustar Qazaqstannyń tabıǵat aıasyna jiberildi Sharaǵa mınıstrliktiń Orman jáne ańshylyq sharýashylyǵy komıtetiniń tóraǵasy Baǵdat Azbaev, Abý-Dabıdiń Ekologııa mınıstri Muhammed ál- Bovar­dı, Dýadaqtardy saqtaý halyq­aralyq qorynyń bas dırektory Muhammed Saleh ál-baıdanı, sondaı-aq, orman jáne ańshylyq sharýashylyǵy komıtetiniń Mań­ǵys­taý oblystyq aýmaqtyq ıns­pek­­sııasynyń, «Ohotzooprom» О́B» RMKK-niń ókilderi, QR BǴM Zoolo­gııa ınstıtýtynyń qyzmet­ker­leri men ornıtolog ǵalymdar qatys­ty. Suńqarlardy (ıtelgi, lashyn) tabıǵat aıasyna jiberý Birikken Arab Ámirlikteriniń úkimettik baǵ­darlamasy sheńberinde júrgi­zi­ledi. Bul baǵdarlama osy qus túr­le­rin saqtaý men olardyń tabı­ǵı kó­beıýine jaǵdaı jasaýǵa baǵyt­tal­ǵan. Suńqarlar tabıǵı ortaǵa ár kóktem saıyn jiberilip turady. Bul baǵytta arnaıy zertteýler júrgizilip, solardyń nátıjeleri boıynsha túrli elderde qustardyń mekendeýi men kóbeıýine yńǵaıly jaǵdaıy bar birneshe aýmaq bel­gilengen bolatyn. Bizdiń elimizde suńqarlardyń ómir súrýi úshin eń yńǵaıly aımaqtar – qajetti qorek kózge baı, taýly shoqylary men qyrly dalasy bar Shyǵys Qa­zaqstan jáne Mańǵystaý oblystary. Birikken Arab Ámirlikterinen jetkizilgen qustar birneshe apta boıy beıimdelýden ótkizildi. Olar jergilikti klımat pen ashyq keńistikke birtindep úıretildi, jaqsy azyqtandyrylyp, jaǵ­daılary kúndelikti tekserilip turdy. Tabıǵat aıasyna jiberil­mes­ten buryn, birneshe qusqa ra­dıoqurylǵy ornatyldy. Bul suń­qarlardyń mıgrasııasy jónindegi aqparat alýǵa múmkindik beredi. Keshe Mańǵystaý oblysynda Birikken Arab Ámirlikterinen ákelingen taǵy 20 lashyn, al búgin Shyǵys Qazaqstan oblysynda (Kúrshim aýdany) 19 ıtelgi tabıǵı ortaǵa jiberiledi. Jalpy, Qazaqstan men Birikken Arab Ámirlikteri arasyndaǵy yntymaqtastyq sheńberinde 2009-2013 jyldar aralyǵynda elimizdiń tabıǵaty aıasyna 340-tan astam suńqar jiberildi.