Bul týraly Qazaqstan elshisi Nurbah Rústemov pen Saýda-ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Rýmynııa úkimetaralyq komıssııasynyń (ÚAK) teń tóraǵasy, Rýmynııanyń Energetıka mınıstri Vırdjıl Popeskýmen kezdesý kezinde aıtyldy, dep habarlaıdy Egemen.kz SIM baspasóz qyzmetine silteme jasap.
Kelissózder barysynda 2022 jylǵy 6-7 qazanda Astanada ótetin ÚAK 16-shy otyrysynyń kún tártibindegi ózekti máseleler talqylandy. Shara aıasynda taraptar energetıka, aýyl sharýashylyǵy, qarjy, medısına, kólik-logıstıka, bilim jáne ǵylym salalarynda sapaly serpin berip, jańa perspektıvalyq baǵyttardy ashýǵa nıet bildirdi.
Sonymen qatar qatysýshylar eki el arasynda tikeleı áýe qatynasyn ashý máselesi boıynsha ózara is-qımyldy tereńdetý, sondaı-aq eki eldiń memlekettik organdary men ulttyq kompanııalarynyń qatysýymen Transkaspıı halyqaralyq kólik baǵytynyń áleýetin ashý úshin júk tasymaly boıynsha jumys tobyn qurý týraly kelisimge keldi.
Bul rette eki el kásipkerleriniń qatysýymen Qazaqstan-Rýmynııa bıznes-forýmyn daıyndaý barysy talqylandy.