Qazaqstandyqtar 2022 jyldyń 20 qarashasynda ótetin kezekten tys prezıdent saılaýynda barlyq kandıdatqa qarsy daýys bere alady, dep habarlaıdy Egemen.kz.
«Barlyǵyna qarsymyn» grafasy zańmen qarastyrylǵan. Eger azamat bir kandıdatty tańdamasa, onyń barlyǵyna qarsy daýys berýge quqyǵy bar», dep túsindirdi QR Ortalyq saılaý komıssııasy tóraǵasynyń orynbasary Konstantın Petrov.
Eske sala keteıik, Memleket basshysy Qasym-Jomart Toqaev Qazaqstan Respýblıkasy Prezıdentiniń kezekten tys saılaýyn ótkizý týraly Jarlyqqa qol qoıǵan bolatyn. Saılaý 20 qarashada ótedi.
Sondaı-aq Qazaqstan Respýblıkasy Prezıdenttigine kandıdattar úshin saılaý jarnasynyń mólsheri búginde 3 mıllıon teńgeni quraıtynyn habarlaǵan edik.