QR saýda jáne ıntegrasııa mınıstriniń buıryǵymen Asqar Ábdiǵalıuly Begmanov Qazaqstan Respýblıkasy Saýda jáne ıntegrasııa mınıstrligi apparatynyń basshysy qyzmetine taǵaıyndaldy, dep habarlaıdy Egemen.kz mınıstrliktiń baspasóz qyzmetine silteme jasap.
1975 jyly 18 jeltoqsanda Almaty qalasynda týǵan.
Qazaq memlekettik zań ýnıversıtetin zańger mamandyǵy boıynsha; Halyqaralyq mamandyqtar ınstıtýtyn ekonomıst mamandyǵy boıynsha bitirgen. Qazaq, orys jáne túrik tilderin biledi.
1997jyldan - Almaty qalasy Túrkisib aýdandyq prokýrorynyń kómekshisi.
1999 jyldyń aqpanynan - Almaty oblystyq Ádilet basqarmasynyń zańdy tulǵalardy tirkeý bóliminde bas maman - keńes berýshi, 1999 jyldyń naýryzynan - bas maman - bólim bastyǵynyń kómekshisi, 1999 jyldyń sáýirinen - bólimniń bas mamany.
2000 jyldan - Almaty qalasy Áýezov aýdandyq prokýrorynyń kómekshisi, aǵa kómekshisi. 2003 jyldan - «Taldyqorǵan sýsyndary» JShS dırektory.
2006 jyldan - «KMG-Apataý» JShS bas zańgeri (Almaty q.). 2007 jyldan - «QazMunaıGaz» Saýda úıi» AQ quqyqtyq qamtamasyz etý jáne sharttar monıtorıngi departamentiniń aǵa zań keńesshisi (Astana q.).
2008 jyldan - «Gazprom neft - Kazahstan» JShS fılıalynyń zań keńesshisi (Astana q.). QR Mádenıet jáne aqparat mınıstrligi Ákimshilik jumys jáne halyqaralyq yntymaqtastyq departamentiniń kadrlyq jáne uıymdastyrý jumysy basqarmasy bastyǵynyń m.a., basqarma bastyǵy (Astana q.).
2009 jyldyń shildesinen - QR Premer-mınıstri Keńsesiniń Uıymdastyrý jumysy jáne aýmaqtyq damý bóliminiń bas keńes berýshisi, 2009 jyldyń jeltoqsanynan - bas ınspektory.
2010 jyldyń sáýirinen beri - Soltústik Qazaqstan oblysy Esil aýdanynyń ákimi qyzmetin atqarǵan.