Prokýror Qaırat Satybaldynyń múlkin tárkilep, belgili bir laýazymdardy atqarý quqyǵynan aıyrýmen alty jylǵa bas bostandyǵynan aıyrýdy surady, dep habarlaıdy Egemen.kz.
Astana qalasy Baıqońyr aýdanynyń №2 sotynda Qaırat Satybaldynyń isi qaralyp jatyr.
«Q.Satybaldynyń múlki tárkilenip, 10 jyl merzimge laýazymdy qyzmet atqarý quqyǵynan, sondaı-aq 6 jylǵa bas bostandyǵynan aıyrý úkimi taǵaıyndalsyn. Ol ulttyq qaýipsizdik organdarynyń general-maıory ataǵynan, «Qurmet» jáne «Parasat» ordenderinen aıyrý týraly usynys engizilsin. Satybaldynyń tutqynda ustalǵan ýaqytyn tutqyndaǵy bir kún 1,5 kúnge teń dep eseptelsin», dedi prokýror Jangeldi Esebaev.
Qaırat Satybaldy óz kezeginde usynylǵan jaza túrimen kelisetinin aıtty.