Qazaqstandyq Gennadıı Golovkın men meksıkalyq Saýl Alvares arasyndaǵy úshinshi jekpe-jektiń qansha aqyly satylym (PPV) jınaǵany belgili boldy.
Trılogııany tikeleı efırde kórsetken DAZN strımıngtik platformasynyń málimeti boıynsha, dúnıe júziniń 1,06 mln boks jankúıeri Golovkın-Alvares aıqasyn aqyly negizde tamashalaǵan. Degenmen bul kórsetkish aldyńǵy eki jekpe-jektiń nátıjesimen salystyrǵanda az bolyp tur. Máselen, 2017 jyly uıymdastyrylǵan birinshi jekpe-jek 1,3 mln aqyly satylym (PPV) jınaǵan bolsa, ekinshi kezdesýde 1,1 mln jankúıer translıasııany satyp alǵan.
Aıta ketý kerek, birinshi jekpe-jektiń translıasııa quny – 70 AQSh dollary bolsa, ekinshi jáne úshinshi kezdesýdiń aqysy – 85 AQSh dollary bolǵan. Bir apta buryn AQSh-tyń Las-Vegas qalasyndaǵy T-Mobile Arena sport kesheninde ótken trılogııada meksıkalyq Saýl Alvares tóreshilerdiń biraýyz sheshimimen (116:112, 115:113, 115:113) jeńiske jetken-di.