Belarýs prezıdenti Aleksandr Lýkashenko Reseıdegi jaǵdaıdyń óz eline qanshalyqty qatysy baryn aıtyp berdi, dep habarlaıdy Egemen.kz BELTA agenttigine silteme jasap.
Onyń aıtýynsha, elde mobılızasııa bolmaıdy. Bul týraly ol jýrnalıstermen áńgimelesý barysynda aıtqan.
Lýkashenko teris nıetti azamattardyń Belarýstegi jaǵdaıdy Reseıge uqsatýǵa áýes ekenin jetkizgen.
«Eshqandaı jumyldyrý bolmaıdy. Bul - ótirik», dep sendirdi saıasatker.
Prezıdent sóz arasynda mundaı áreketter bıliktiń jáne kúshtik qurylymdardyń beı-jaılyǵyn baıqatpaıtynyn aıta ketti.
Osy maqsatta halyq jasaqtary áskerı daǵdylardy meńgerýi úshin ár túrli oqý-jattyǵýlar júıeli júrgizilip jatqanyn eske saldy.