Máskeýge jumys sapary aıasynda Qazaqstan Premer-Mınıstriniń orynbasary – Saýda jáne ıntegrasııa mınıstri Serik Jumanǵarın eki eldiń saýda-ekonomıkalyq yntymaqtastyǵy máselelerin talqylaý úshin RF Úkimeti tóraǵasynyń orynbasary Alekseı Overchýkpen kezdesti.
Kelissózder barysynda ekonomıkanyń túrli salalaryndaǵy ekijaqty yntymaqtastyqtyń ózekti máseleleri kóterildi. Qazaqstan tarapynan kóterilgen eń mańyzdy máselelerdiń biri – «Astrahan-Mańǵyshlaq» sý taratqyshyn qaıta qurý jobasy, RF-ǵa bolat ónimderin jetkizý, qazaqstandyq kómir men temir keni shıkizatynyń tranzıti, sondaı-aq Qazaqstanǵa taýarlardy kedergisiz jetkizý kezindegi shekteýler. Barlyq másele boıynsha kezdesýge qatysýshylar olardy pysyqtaý jáne jedel sheshý úshin tyǵyz ózara yntymaqtastyqqa daıyn ekenderin bildirdi.
Taraptar eki el arasyndaǵy ózara saýdanyń oń dınamıkasyn da atap ótti. 2022 jylǵy qańtar-shildede Qazaqstan men Reseı arasyndaǵy taýar aınalymy 13,7 mlrd dollardy qurady, bul ótken jyldyń sáıkes kezeńimen salystyrǵanda 3,5%-ǵa joǵary (13,2 mlrd).