Kináliler jaýapkershilikten jaltarmaýy kerek

«Deni saý ult» árbir azamat úshin sapaly jáne qoljetimdi den­saýlyq saqtaý» ulttyq joba­sy­nyń iske asý barysy qaralǵan Úkimet jıynynan keıingi osy otyrysta oblys basshysy aımaq­ta­ǵy ahýaldy saralap, máselege erekshe mán berýdi tapsyrdy.

Keıingi jyldardaǵy ana men ba­la ólimi kórsetkishteri eń aldymen, dárigerlerdi alańdatýy tıis. О́ńir ákimi oblystyq den­saý­lyq saqtaý basqarmasynyń basshysy Sábıt Pa­zylovqa emdeý nysandaryna taldaý jasap, jaǵdaıdy jaqsartý úshin naqty usynys engizýdi tapsyrdy.

Jýyrda ǵana bolǵan ana óli­mi­ne qatysty oqıǵa jan-jaq­ty zerdelenip, kináliler qatań jaýap­ker­shilikke tartylýǵa tıis. Alda mun­daı jaǵdaı qaıtalanbaýy úshin qajetti múmkindikterdi paıda­la­na otyryp, naqty sharalar qabyl­dan­­­ýy kerek.

– Árbir tirkelgen ólim bir otba­­synyń tragedııasy ekenin umyt­­paıyq. Osydan eki jyl buryn – 12, byltyr – 10, jyl ba­sy­nan beri 5 ana ólimi tirkelip otyr. Bul máseleni osy kezge deıin arnaıy qarap, tıisti sala bas­shysyna, dárigerlerge naqty tapsyrmalar berilgen edi, alaıda oryndalýy kóńil kónshitpeı tur. Nárestelerdiń shetineýi de – kúrdeli másele. Baýyr eti balasynan aıyrylý kimge de ońaı emes, bul – tutas otbasynyń taǵdyry. Ár adam dárigerge úmitpen keledi, dertine shıpa tabamyn dep senedi. Al dárigerlerde jaýapkershilik jaǵy kemshin túsip jatyr. Muny eleýsiz qaldyrýǵa bolmaıdy. Son­­dyq­­tan ana ólimine jol bergen ma­man­dardyń máselesin qa­rap, tal­daý júrgizińizder, – dedi oblys ákimi.

Jıynda oblystyq perına­tal­dyq ortalyǵynyń bas dárigeri Oleg Kım men oblystyq juqpaly aýrý­lar aýrýhanasynyń bas dári­ge­ri Aına Muhambetovaǵa naqty tapsyrmalar berildi.

Ana men bala ólimine qatysty barlyq derekti arnaýly komıssııa saralap, mamandardyń kásibı deńgeıine taldaý júrgiziledi. Bul m­ásele aldaǵy oblystyq más­lı­hat sessııasynyń kún tárti­bi­ne qoıylady. Oblys ákimi ana óli­mi­ne jol bergenderge qatysty tek­serý qorytyndysy ákimdiktiń al­daǵy keńeıtilgen jıynynda qara­latynyn da eskertti.

Jıynda aımaq basshysy Ult­tyq jobada kózdelgen kórset­kish­ter men nysanaly ın­dı­ka­tor­lar­ǵa qol jetkizý men dári­ger­ler tap­shylyǵyn azaıtý maq­satynda medısınalyq uıym­darǵa taldaý jasaýdy, júkti áıel­der­di bosanýǵa deıingi jeke jáne sala­aralyq baqylaýmen qamtýdy sapaly júrgizýdi tapsyrdy.

Osydan keıin oblystyq den­saý­lyq saqtaý basqarmasynyń baspasóz qyzmeti oblys ákiminiń orynbasarynyń tóraǵalyǵymen arna­ıy shtab otyrysy ótki­zil­­g­enin habarlady. Oǵan oblys­tyq densaýlyq saqtaý basqar­ma­synyń, Densaýlyq saqtaý mı­nıstrligi Medısınalyq jáne far­ma­sevtıkalyq baqylaý ko­mı­­­­tetiniń Qyzylorda oblysy bo­­ıyn­sha departamentiniń jáne «Res­pýblıkalyq elektrondyq den­­saýlyq saqtaý ortalyǵy» Qy­­zylorda oblystyq fılıa­ly­nyń bas­shylary jáne medısına uıym­darynyń bas dárigerleri qatys­qan.

Baspasóz qyzmetiniń ha­bar­laýyn­sha, ana ólimine jol ber­genderge tártiptik shara qaras­tyrylyp, oqıǵaǵa baılanys­ty komıssııa iske kiristi. Qazir oblystyq perı­na­tal­dyq orta­lyq­ta jaǵdaıǵa baılanysty sot-medısınalyq saraptama júr­gizilip jatyr. Sarap­tama qory­tyn­dysynan keıin tıisti sharalar qabyldanady.

Qyzylorda