Aýstralııanyń Výllongong qalasynda ótken velosporttan álem chempıonaty máresine jetip, qazaqstandyq veloshabandozdar bir altyn medal jeńip aldy.
23 jasqa deıingi velosportshylar arasyndaǵy jarysta Qazaqstan ulttyq quramasynyń múshesi, Astana Qazaqstan Team veloklýbynyń ókili Evgenıı Fedorov aldyna jan salmady. 170 shaqyrymǵa sozylǵan qashyqtyqty otandasymyz 3 saǵat 57 mınýt 08 sekýndta júrip ótip, álem chempıony atandy. Fedorovtan bir sekýndqa qalyp qoıǵan chehııalyq veloshabandoz Matıas Vachek kúmis júldege qol jetkizse, norvegııalyq Soren Verensheld qolany qanaǵat tutty.
Bul – Qazaqstan ulttyq quramasynyń 23 jasqa deıingi velosportshylar arasyndaǵy álem chempıonatynda jeńip alǵan ekinshi altyny. Buǵan deıin Azııa oıyndarynyń jeńimpazy, Azııa chempıony Alekseı Lýsenko 2012 jyly dál osy sanatta jahandyq dodanyń bas júldesin oljalaǵan bolatyn.