Bul kúnderi Nıderland pen Polshada voleıboldan áıelder arasynda álem chempıonaty ótip jatyr. Jarystyń alǵashqy kúninde Qazaqstan quramasy AQSh qyzdarymen kezdesip, jeńilip qaldy.
Dúnıejúziniń 24 quramasy baq synap jatqan álem birinshiliginde qazaqstandyq voleıbolshylar «S» tobynda AQSh, Serbııa, Germanııa, Bolgarııa jáne Kanada ókilderimen synǵa túsip jatyr. Jerlesterimiz birinshi týrda byltyrǵy Tokıo Olımpıadasynda top jarǵan AQSh quramasymen kezdesip, 3:0 esebimen jeńilip qaldy. Qazaqstandyq qyzdar alǵashqy kezeńde qarsylastaryna 16:25 esebimen jol berse, keıingi eki sette 13:25 jáne 12:25 esebimen utylyp qaldy. Jahandyq dodaǵa osymen besinshi márte qatysyp jatqan Qazaqstan quramasy keıingi kezdesýin búgin Germanııamen ótkizedi. Álem birinshiligi 15 qazan kúni máresine jetedi.